Lukas 6:44 - Porjanjian Boharu Torjomahan Baso Dilakng Soari-ari

⁴⁴ Sotiap tontanaman ditiat doi' buahnyo. Co mungkitn kito monguti' buah ara doi' una' duri. Huatan co mungkitn kito mongopil buah anggur doi' rado momant.

Lukas 6:44 ပူးပေါင်းရင်းမြစ်များ

Yakobus 3:12

Damo agatn gambaran bukai, boko somadikan. Kayu ara culih mohasilan buah Jaitun. Kondukng anggur culih mohasilan buah ara. Mato ara'i mancitn culih mohasilan ara'i taba'i.

Matius 12:33

Sotiap urakng dikonal doi' porbuatannyo samo sama'an sotiap tontanaman dikonal doi' buahnyo. Aman sokayu' tontanaman boi', ongko buahnyo boi' jam. Aman sokayu' tontanaman kinyo boi', ongko buahnyo kinyo boi' jam.

Yudas 1:12

Kaitn mombulah boko pogai pakai' monunju'an obai kaitn hala mongasihi inyo bukai. Apo, dalapm boko pogai nantai, sia' sama'an contal inyo morusa' damo kaitn. Obai, sia' co malu makatn kotakan kaha'. Sia' bayo momontikan diri siku'. Sia' kinyo ado gunonyo samo sama'an awatn ditiup angin inyo lalu aja'am kinyo turutn hujatn. Damo samo sama'an boko kayu inyo kinyo bobuah timpu musipmnyo, boko kayu inyo udah dicabut ko akar-akarnyo sampai bondar-bondar mati.

Matius 7:16

Apo kaitn paca'an mongotohu'i sopo sia' samo sama'an sotiap tontanaman dikonal doi' buahnyo. Co mungkitn mongopil buah anggur doi' rampuan duri. Co mungkitn mongopil buah ara doi' rampuan duri.

Matius 7:20

Jadi, kaitn paca'an mongotohu'i aman boko nabi boi' damo jahat agatn moniant caro hidup sia'.