Lukas 6:41 - Porjanjian Boharu Torjomahan Baso Dilakng Soari-ari

^41-42 Jangan samaꞌan urakng inyo pompadah boi' apo sobondarnyo jahat. Sia' hala borotian kosalahan urakng bukai, apo kinyo kalo tohu agatn kosalahan dirinyo siku'. Urakng samaꞌan nian samo agatn urakng moniant kosimaian kayu di mato kawalnyo, apo balok di kolambir matonyo siku' co kotiat'an. Ongko io bopandir, ‘Ko si'itn somadikan, oca' aku mohilakan kosimaian kayu di mato kulo.’ Apo balok di kolambir matonyo co kotiat'annyo. Ui urakng inyo pompadah boi' apo sobondarnyo jahat, koluaran doholu balok di kolambir mato kaitn siku' hoyu' kaitn moniant jolas hoyu' ulih mongoluaran kosimaian kayu nantai doi' mato urakng bukai.”

Lukas 6:41 ပူးပေါင်းရင်းမြစ်များ

Yohanes 8:7

Apo sia' torus monyosahan oca' Sio monimbasi. Jadi, Sio bodiritn lalu bopandir, “Sopo ja' di antaro kaitn inyo kinyo kalo bodosa, urakng nanam inyo doholu monikapm botina' nian agatn batu.”

Yakobus 1:24

Apo kali io botula' io lansukng tongkolupatn rupo muhonyo.

Roma 2:1

Jadi, kaitn inyo mohakipi urakng bukai pan bosalah. Kaitn kinyo ulih bopandir kaitn bondar. Obai, kaitn molabuhan boko hal inyo jahat samo sama'an urakng inyo kaitn hakipi. Jadi, agatn mohakipi urakng bukai, sobondarnyo kaitn pan mohakipi diri kaitn siku'.

Matius 7:1

“Jangan mohakipi urakng bukai. Aman kaitn molabuhan nantai, ongko kaitn paca'an dihakipi Allah.

Lukas 6:40

Murid pasti kinyo lobih tinggi pongotohuannyo doi' gurunyo. Apo aman udah tamant doi' polajarannyo pasti samo agatn gurunyo.

Markus 8:7

Sia' pan ado boboropo iku' ikatn kocit. Yesus pan moucap'an torima' kasih ko Allah pakai' ikatn nantai, lalu monyiuh boko murid-Nyo mombagi-bagiannyo jam.