Lukas 6:40 - Porjanjian Boharu Torjomahan Baso Dilakng Soari-ari

⁴⁰ Murid pasti kinyo lobih tinggi pongotohuannyo doi' gurunyo. Apo aman udah tamant doi' polajarannyo pasti samo agatn gurunyo.

Lukas 6:40 ပူးပေါင်းရင်းမြစ်များ

Yohanes 13:16

Pondinga'an bobondarcam! La'apo inyo Ku pandiran ni'in: Siku' urakng hulutn kinyo lobih pontikng doi' habakngnyo. Siku' urakng inyo diutus kinyo lobih pontikng doi' urakng inyo moutusnyo.

Yohanes 15:20

Ingantcam pomandiran-Ku ni'in ko kaitn komai: Siku' urakng hulutn kinyo lobih pontikng doi' habakngnyo. Aman sia' udah mondorako'i Aku, jadi sia' pan paca'an mondorako'i kaitn. Apo aman sia' monuruti pomandiran-Ku, jadi sia' pan paca'an monuruti pomandiran kaitn.

Matius 23:15

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi'. Kaitn bojalatn jouh-jouh bogoyap siku' urakng inyo ulih dipongaruhi oca' io pocayo mansu' agama kaitn. Lopas jadi io mansu' agama kaitn, lalu kaitn bulah io monjadi urakng inyo paca'an mansu' noraka, io urakng inyo duo kali lipat lobih jahat doi' kaitn.

Lukas 6:41

Jangan samaꞌan urakng inyo pompadah boi' apo sobondarnyo jahat. Sia' hala borotian kosalahan urakng bukai, apo kinyo kalo tohu agatn kosalahan dirinyo siku'. Urakng samaꞌan nian samo agatn urakng moniant kosimaian kayu di mato kawalnyo, apo balok di kolambir matonyo siku' co kotiat'an. Ongko io bopandir, ‘Ko si'itn somadikan, oca' aku mohilakan kosimaian kayu di mato kulo.’ Apo balok di kolambir matonyo co kotiat'annyo. Ui urakng inyo pompadah boi' apo sobondarnyo jahat, koluaran doholu balok di kolambir mato kaitn siku' hoyu' kaitn moniant jolas hoyu' ulih mongoluaran kosimaian kayu nantai doi' mato urakng bukai.”