Lukas 6:30 - Porjanjian Boharu Torjomahan Baso Dilakng Soari-ari

³⁰ Aman urakng minto barakng la'apo pan ko kaitn, onji'i ja'am! Aman ado barakng kaitn dirampas jangan minto pulakan.

Lukas 6:30 ပူးပေါင်းရင်းမြစ်များ

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Kisah Boko Rasul 20:35

Dalapm somuo inyo aku labuhan nantai, aku monjadi contoh pakai' kaitn. Kaitn pan gola' bokorojo koras ongko monulukng boko urakng inyo jaro. Jangan tongkolupatn pomandiran Tuhatn Yesus, ‘Allah lobih momborokati urakng inyo moonji'i bantu'an daripado urakng inyo monorima' bantu'an.’ ”

Matius 6:12

Amputicam kosalahan koi, samo sama'an koi pan moamputi sotiap urakng inyo bosalah ko koi.

Lukas 18:22

Mondingaꞌ nantai, Yesus bopandir ko io, “Ongkah ado sobuti' agi' inyo kurakng bolupm kolai labuhan. Pulakngcam, jual somuo umputn kolai. Ongko pombagi-bagian duitnyo ko boko urakng jaro. Aman dipulah samaꞌan nian, kolai tajahan bodapat kodampuan di sorugo. Lopas jadi kolai molabuhan somuo nantai, datakng jam agi' ko Aku, pakai' jadi murid-Ku.”

Lukas 12:33

Jadi, jualcam umputn kaitn. Ongko onju'cam duitnyo ko boko urakng jaro. Aman kaitn molabuhan hal nantai, samo sama'an kaitn bulah somacapm dompet di sorugo pakai' diri kaitn. Dompet nantai co rusa' somanah-manahnyo. Kodampuan di sorugo nantai, kinyo paca'an habis. Conyiant pongolit inyo ulih mongolitnyo. Conyiant gogat inyo ulih morusa'annyo.

Lukas 11:41

Jadi daripado bayo momborosihi tobi' luar pirikng-mangku' nian, onji'icam pomakatn inyo ado di dalapmnyo ko boko urakng jaro. Hoyu' kaitn bondar-bondar monyonangan hati Allah.

Lukas 6:38

Onju' cam ko urakng bukai, nononyo kaitn hala dionji'i Allah kolimpahan; ia'an sobuah takaran inyo digora', dihonya'an, oca' inyo botambah rapat tajahan dionju' ko kaitn. Ingant'i cam: Ukuran inyo kaitn gunoan pakai' moukur porbuatan urakng bukai, Allah tajahan momakai ukuran inyo samo samaꞌan nian jam ko kaitn.”

Matius 18:35

Samo sama'an rajo nantai mohukupm hulutnnyo, Allah Bopai-Ku di sorugo paca'an mohukupm kaitn aman kaitn co somombondarannyo moamputi boko somadikan kaitn.”

Efesus 4:28

Urakng inyo komainyo pongolit jangan mongolit agi'. Apo io gola' bokorojo koras agatn jarinyo siku', mombulah boko hal inyo boi', oca' io ulih monulukng urakng bukai inyo ado kopontikannyo.

Matius 5:39

Apo Aku moonju' porintah ni'in ko kaitn: Jangan mombalas urakng inyo molabuhan kojahatan ko kaitn. Umpamonyo, aman urakng monompilikng pipi kanan kaitn sorahan jam pipi kiba' kaitn pakai' ditompilikngnyo.

Lukas 6:29

Aman urakng monompilikng pipi kiba' kaitn biaran io monompilikng pipi kanan kaitn jam. Huatan aman urakng monguti' jubah kaitn onju' jam baju kaitn.

Lukas 6:31

Pulah koboi'an ko urakng bukai, samo ubo kaitn mongohonda'i urakng bukai molabuhannyo ko kaitn.