Lukas 6:28 - Porjanjian Boharu Torjomahan Baso Dilakng Soari-ari

²⁸ Borokati urakng inyo monyumpah kaitn. Huatan doa'an urakng inyo hala bulah kojahatan ko kaitn.

Lukas 6:28 ပူးပေါင်းရင်းမြစ်များ

Matius 5:44

Apo Aku moonju' porintah ni'in ko kaitn: Kasihicam musuh kaitn. Bodoacam pakai' urakng inyo mondorako'i kaitn.

Lukas 23:34

Lalu Yesus bodoa, “Bopai, amputi sia' inyo monyobab'an Aku sampai dihukupm mati di kayu salib! Sia' co tohu la'apo inyo sia' pulah.” Lalu, boko projurit monguti' pakai'an Yesus. Sia' boundi pakai' monontuan sopo inyo tajahan mondapat'an pakai'an-Nyo.

Lukas 6:27

Yesus monorusan pongajaran-Nyo, “Pondinga'an pandir-Ku ni'in: Kasihi bo musuh kaitn. Pulah cam koboi'an agatn urakng inyo bonci'an kaitn.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Kisah Boko Rasul 14:5

Boko urakng inyo molawatn Paulus ongko Barnabas, bohoupm agatn boko urakng Yahudi huatan boko pomimpitn sia' pakai' mondorako'i huatan monikapi Paulus ongko Barnabas agatn batu.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

Roma 12:14

Aman ado boko urakng inyo mondorako'i kolai, mintocam ko Allah oca' Sio momborokati sia'. Au, mintocam oca' Allah momborokati sia'. Jangan minto oca' Allah mohukupm sia'!

1 Korintus 4:12

Koi bokorojo koras agatn longan koi siku' monuntukan kopontikan hidup koi. Timpu koi dikutu' boko urakng, koi totap momborokati sia'. Timpu koi didorako'i koi totap tahatn sabar mohadapinyo.

Yakobus 3:10

Jadi, boko somadikan, jangan molabuhan lou' sama'an nian. Kito culih momuji huatan moncolakoan agatn lidah kito.

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.