Lukas 6:26 - Porjanjian Boharu Torjomahan Baso Dilakng Soari-ari

²⁶ Allah tajahan mohukupm kaitn inyo dipuji watu ni'in, obai sama'an nian jam angki-bayatn kaitn momuji boko nabi palsu.”

Lukas 6:26 ပူးပေါင်းရင်းမြစ်များ

Yohanes 15:19

Soandainyo kaitn ija' bosatu agatn boko urakng di dunia, pasti sia' mongasihi kaitn obai sokolompok agatn sia'. Apo, kaitn co bosatu agatn boko urakng di dunia. Aku udah momilih kaitn doi' sia'. Nantai sobabnyo sia' bonci'an kaitn.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

Matius 7:15

“Boboi'cam tohadap boko nabi palsu. Sia' pompadah boi' apo tujuan sia' jahat. Sia' samo sama'an payau ganas inyo datakng monyamar sama'an domba.

Yohanes 7:7

Boko urakng di dunia conyiant alasan pakai' bonci'an kaitn. Apo dunia bonci'an Aku obai Aku hala momadahannyo ko sia' obai porbuatannyo jahat.

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

Lukas 6:25

Allah tajahan mohukupm kaitn bayakan inyo konyang watu ni'in, obai kaitn nononyo paca'an kolaparan. Allah tajahan mohukupm kaitn inyo rindakng totao watu ni'in, obai kaitn nononyo paca'an monangis ongko bulikng undu'.