Lukas 6:25 - Porjanjian Boharu Torjomahan Baso Dilakng Soari-ari

²⁵ Allah tajahan mohukupm kaitn bayakan inyo konyang watu ni'in, obai kaitn nononyo paca'an kolaparan. Allah tajahan mohukupm kaitn inyo rindakng totao watu ni'in, obai kaitn nononyo paca'an monangis ongko bulikng undu'.

Lukas 6:25 ပူးပေါင်းရင်းမြစ်များ

Yakobus 4:9

Boko dosa kaitn soharusnyo mombulah kaitn salu', sampai monangis. Jangan sonang. Jangan sonang-nyamanam. Soharusnyo kaitn salu' huatan monyosali dosa kaitn.

Wahyu 3:17

Kaitn bopandir, ‘Koi cukup dampu. Koi udah mongumpulan banya' kodampuan. Koi conyiant ado kokurakan la'apo pan.’ Apo kaitn co sadar obai sobondarnyo socaro rohani kaitn conyiant ado aponyo. Kaitn molarat, sonsaro, jaro, buto, kolanjakng!

1 Tesalonika 5:3

Paca'an ado boko urakng inyo mongatoan, “Somuonyo boi'-boi' mo.” Apo malahan watu nantai socaro sopongirap sia' paca'an dibonasoan samo sama'an siku' urakng botina' buntikan inyo socaro sopongirap moalapi mohidap-porut honda' boana'an. Botina' nantai co dapat moloukan doi' oso podih porut nantai. Ubo nian jam, sia' inyo co pocayo kinyo paca'an ulih moloukandoi' hukupan nantai.

Efesus 5:4

Jangan momakai kato-pandir kinyo boi', kato-pandir inyo kinyo boguno, kato-pandir jahat. Boko hal nantai kinyo cucu' jam. Sobali'nyo, kaitn gola' moucap sukur ko Allah.

Lukas 13:28

Watu nian, kaitn tajahan moniant angki-bayatn kaitn Abrahapm, Ishak, ongko Yakub huatan somuo nabi di dalapm Koraja'an Allah di sorugo, apo kaitn paca'an ditikapan ko noraka. Di santai kaitn tajahan monangis huatan monggorit'an gigi obai kotakng ajab sonsaro.

Lukas 12:20

Apo Allah bopandir ko urakng dampu nantai, ‘Budu bondar kolai ni'in! Malapm ni'in jam kolai paca'an mati. Sampai, somuo kongkamant inyo kolai kumpulan pakai' diri kolai siku', kinyo pakai' kolai, apo urakng bukai inyo paca'an mondapat'an somuonyo.’ ”

Lukas 8:53

Sia' monontao'i Sio obai udah tohu bobia' nantai udah matiam.

Lukas 6:24

Apo Allah tajahan mohukupm kaitn bayakan inyo dampu watu ni'in, obai kaitn udah mooso'i sonang-nyamanam di dunia ni'in.

Lukas 6:26

Allah tajahan mohukupm kaitn inyo dipuji watu ni'in, obai sama'an nian jam angki-bayatn kaitn momuji boko nabi palsu.”