Lukas 6:24 - Porjanjian Boharu Torjomahan Baso Dilakng Soari-ari

²⁴ Apo Allah tajahan mohukupm kaitn bayakan inyo dampu watu ni'in, obai kaitn udah mooso'i sonang-nyamanam di dunia ni'in.

Lukas 6:24 ပူးပေါင်းရင်းမြစ်များ

Matius 6:16

“Watu kaitn bolampah, jangan mato-muho kaitn kotiat'an salu'. Boko urakng inyo pompadah boi' molabuhan sama'an nantai. Sia' songajo bulah mato-muho sia' kotiat'an salu' oca' urakng bukai tohu obai sia' tongahan bolampah. Kotakng bondar inyo Aku pandiran ni'in: Sia' udah mondapat upah sia' doi' sosamo monsio.

Matius 6:2

Contohnyo, timpu kaitn moonju' sumbakan pakai' urakng jaro, jangan buhau agatn hal nantai. Boko urakng inyo pompadah boi' inyo bulah sama'an nantai. Sia' gala' moonji'i sumbakan pakai' urakng jaro di hadapan urakng banya' di boko rumah sombayakng huatan di jalatn. Sia' molabuhannyo agatn caro nantai oca' urakng bukai mohormati sia'. Kotakng bondar inyo Aku pandiran ni'in: Sia' udah bodapat upah doi' sosamo monsio.

Matius 6:5

“Watu kaitn bodoa, jangan sama'an boko urakng inyo pompadah boi'. Sia' gala' bodoa agatn bodiritn di hadapan urakng banya' di boko rumah sombayakng huatan di boko simpakng jalatn bosar. Sia' bodoa agatn caro nantai oca' urakng bukai moniant sia'. Kotakng bondar inyo Aku pandiran ni'in: Sia' udah bodapat upah sia' doi' sosamo monsio.

Lukas 6:25

Allah tajahan mohukupm kaitn bayakan inyo konyang watu ni'in, obai kaitn nononyo paca'an kolaparan. Allah tajahan mohukupm kaitn inyo rindakng totao watu ni'in, obai kaitn nononyo paca'an monangis ongko bulikng undu'.

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

Yakobus 2:6

Apo kaitn malahan mohayam urakng jaro. Cubo porotian porbuatan boko urakng dampu. Obai sia' nanam inyo mondorako'i kaitn agatn mondudus kaitn ko tompat pongadilan.