Lukas 6:23 - Porjanjian Boharu Torjomahan Baso Dilakng Soari-ari

²³ Torima' sonang hati aman kaitn dipulah samaꞌan nian. Bonari kotakng rindakng, obai sobondarnyo upah kaitn bosar di sorugo! Obai boko nabi joman komai dipulah angki-bayatn kaitn sama'an nian jam.

Lukas 6:23 ပူးပေါင်းရင်းမြစ်များ

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.

Wahyu 3:12

Boko urakng inyo monang, Aku paca'an bulah sia' monjadi boko tihakng dalapm Rumah Allah-Ku. Sia' paca'an bodiapm di su'utan soumur hidupnyo. Aku pan paca'an monulis damo Allah-Ku dibukakng sia', damo kota Allah-Ku, ia'an nantai kota Yerusalem boharu inyo turutn doi' sorugo doi' Allah-Ku. Aku pan paca'an monulis damo-Ku inyo boharu di bukakng sia'.

Wahyu 3:5

Boko urakng inyo monang paca'an dikona'an pakai'an putih samo sama'an nantai. Aku co paca'an mohapus damo sia' doi' Buku Kohidupan. Aku paca'an moaku'i obai sia' nam umputn-Ku di hadapan Bopai-Ku ongko boko molekat-Nyo.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Matius 5:12

Joman komai, boko nabi Allah pan dipoulahan sama'an nantai jam. Jadi, rindakng-rigahcam obai kaitn paca'an bodapat upah bosar di sorugo!”

Wahyu 2:26

Ko boko urakng inyo monang, boko urakng inyo molabuhan kohonda'-Ku sampai ahir dunia, Aku paca'an moonju' ko sia' kuaso di pucu' boko banso.

Wahyu 2:17

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moonju' doi' pomakatn bodamoan manna inyo kinyo kotohuan di mono tompatnyo. Aku pan paca'an moonji'i sobuah batu putih ko sia' siku'-monyiku'. Di batu nantai totulis damo boharu, inyo kinyo dikotohu'i urakng bukai. Bayo urakng inyo monorima' batu nantaiam paca'an mongotohu'i damo nantai.”

Wahyu 2:7

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moijitan sia' makatn doi' kayu inyo moonji'i kohidupan inyo ado di kobutn Allah.”

1 Petrus 4:13

Apo, soharusnyo kaitn sonang obai kaitn mondorita' samo ubo Kristus jam. Agatn ubo nantai, kaitn tajahan sonang jam nononyo watu Sio datakng lalu monyatoan obai Sio bokuaso.

Yakobus 1:2

Boko somadikan, watu kaitn mohadapi bomacapm poncoba'an, kaitn pan gola' mooso sonang-nyaman.

Kisah Boko Rasul 3:8

Io copat bodiritn ongko mula'i bojalatn konuang-konaing. Io tuyut Petrus huatan Yohanes mansu' ko tongahlamanan Rumah Allah kapikng bojalatn huatan morunjakng-runjakng kapikng momuji-muji Allah.

Ibrani 11:26

Io bopikir mongona'i upah inyo dionju' Allah nononyo. Obai nantai, io mooso aman io dihanyam demi Rajo Inyo Dijanjian Allah, hal nantai lobih borogo daripado somuo kodampuan di nogori Mesir inyo ulih monjadi umputn io.

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

2 Korintus 12:10

Obai nantai am, aku sonang mohadapi bomacapm kosusahan pakai' molayati Kristus. Aku sonang aman aku lomah, aman aku dihanyam, aman aku mohadapi mosalah, aman aku disiksa, aman aku mondorita'. Obai, timpu aku lomah, watu nianam aku kuat.

Roma 5:3

Bukainyo ongkah nantai saja'! Kito pan sonang-nyamanam pas watu kito mohadapi ajab sonsaro. Obai, kito mongotohu'i obai ajab sonsaro nantai mombulah kito somongkitn botahatn mohadapi ajab sonsaro.

Kisah Boko Rasul 14:10

Agatn saro borakng Paulus bopandir, “Bodiritn totontakngcam!” Lansukng urakng lumpuh nantai moloncat bodiritn. Io uliham bojalatn.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Lukas 1:44

Aku udah mongotohu'inyo obai timpu mondingaꞌ salapm kolai, ana' dalapm porutku morunjakng koporindakan.

Lukas 1:41

Timpu Elizabet mondingaꞌ salapm nantai, ana' inyo di dalapm porut Elizabet morunjakng. Roh Allah momonuhi Elizabet.