Lukas 6:21 - Porjanjian Boharu Torjomahan Baso Dilakng Soari-ari

²¹ Diborokati kaitn bayakan kolaparan watu ni'in, obai kaitn paca'an dikonyangan nononyo! Diborokati kaitn inyo monangis watu ni'in, obai kaitn tajahan rindakng totao nononyo!

Lukas 6:21 ပူးပေါင်းရင်းမြစ်များ

Matius 5:4

Diborokaticam urakng inyo bulikng, obai sia' paca'an dikongkanti'i nononyo.

Matius 5:6

Diborokaticam urakng inyo kotakan rindu hidup bondar di hadapan Allah. Sia' diborokati obai sia' paca'an tokosih nononyo.

Lukas 1:53

Urakng inyo kolaparan, Sio kosihan agatn koboi'an. Apo urakng dampu, Sio tundukng huatan co dionji'i la'apo pan.

Lukas 6:20

Lopas nantai, Yesus mongilikng boko murid-Nyo ongko bopandir, “Diborokati bayakan kaitn inyo jaro, obai kaitn ninam inyo anggota koraja'an Allah,

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

Lukas 6:25

Allah tajahan mohukupm kaitn bayakan inyo konyang watu ni'in, obai kaitn nononyo paca'an kolaparan. Allah tajahan mohukupm kaitn inyo rindakng totao watu ni'in, obai kaitn nononyo paca'an monangis ongko bulikng undu'.

Yohanes 11:35

Lalu, Yesus monangis.

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Yohanes 6:35

Kato Yesus ko sia', “Aku ninam roti inyo moonji'i hidup. Somuo urakng inyo datakng ko aku, co kalo kolaparan agi'. Somuo urakng inyo pocayo ko aku, co kalo korahakan agi'.

1 Korintus 4:11

Malahan sampai watu ni'in, koi kolaparan ongko korahakan. Pakai'an inyo koi kona'an udah buru'am. Koi hala dipoduda'an. Koi co nyiant kodiapan obai hala bojalatn konuang-konaing momboritoan Kabar Boi'.

2 Korintus 11:27

Aku bosusah payah, bokorojo koras, opat kurakng tidu', opat kolaparan ongko korahakan, opat co makatn, opat kodinginan obai pakai'anku kinyo cukup.

2 Korintus 12:10

Obai nantai am, aku sonang mohadapi bomacapm kosusahan pakai' molayati Kristus. Aku sonang aman aku lomah, aman aku dihanyam, aman aku mohadapi mosalah, aman aku disiksa, aman aku mondorita'. Obai, timpu aku lomah, watu nianam aku kuat.

2 Korintus 6:10

Opat jam koi salu', apo hala adomo mooso sonang-nyamannyo. Koi jaro, apo bulah urakng banya' monjadi dampu dalapm Tuhatn. Koi conyiant ado la'apo pan, apo sobondarnyo koi dampu dalapm Kristus.

Yakobus 1:12

Allah momborokati urakng inyo botahatn mohadapi poncoba'an. Aman io botahatn, lalu Allah paca'an moonji'i io kohidupan somanah-manahnyo di sorugo. Nianam upah inyo Allah udah janjian ko somuo urakng inyo mongasihi Sio.

Wahyu 21:3

Lalu aku mondinga' saro inyo borakng doi' tahta nantai. Katonyo, “Tiatcam! Kodiapan Allah ado di tongah-tongah monsio. Sio paca'an bodiapm bosamo agatn sia'. Sia' paca'an monjadi umat-Nyo. Sio siku' paca'an monyoroto'i sia', monjadi Allah sia'.

Wahyu 7:16

Sia' co paca'an kalo kolaparan damo korahakan agi'. Podi' cokalo monyusahan sia' agi'.