Lukas 6:19 - Porjanjian Boharu Torjomahan Baso Dilakng Soari-ari

¹⁹ Somuo urakng bousaha moncama' Yesus, obai ado kuaso inyo koluar doi'-Nyo inyo monyamani somuo urakng nantai.

Lukas 6:19 ပူးပေါင်းရင်းမြစ်များ

Matius 14:36

Sia' muhun ko Sio oca' ulih moncama' jubah-Nyo, biar aja' bayo rumbai jubahnyo pan, somuo inyo moncama'-Nyo monjadi nyamanam.

Markus 3:10

Obai Sio udah banya' am monyamani urakng, lalu somuo urakng boponyakit bosonsongka'an bousaha mohampiki Sio oca' ulih moncama' Sio.

Markus 6:56

Aman Sio botula' ko kota, desa damo laman kocit, boko urakng sakit dibaba' ko tompat umum di santai. Sia' muhun ko Yesus oca' boko urakng sakit nantai ulih moncama' jubah-Nyo, biar bayo hujukngnyo pan. Somuo inyo moncama'nyo monjadi nyamanam doi' ponyakitnyo.

Markus 5:30

Timpu nantai jam, Yesus mooso ado kuaso inyo koluar doi' diri-Nyo. Sio mongilikng ko urakng banya' lalu botakutn, “Sopo inyo moncama' jubah-Ku?”

1 Petrus 2:9

Apo kaitn nam banso inyo dipilih Allah. Kaitn nam boko urakng inyo molayati Kristus, samo sama'an boko imam molayati rajo. Kaitn nam umant husus umputn Allah, boko urakng inyo ado hubukan agatn Allah siku'. Allah momilih kaitn oca' kaitn ulih momboritoan mongona'i somuo porbuatan bosar inyo Sio labuhan, ia'an Sio inyo moningkau kaitn koluar doi' kogolapan, lalu mansu' ko dalapm torakng-Nyo inyo luar biaso. Samo sama'an inyo totulis di dalapm Buku Suci,

Markus 8:22

Lopas nantai, Yesus agatn boko murid-Nyo datakam di kota Betsaida. Di santai, ado urakng inyo buto. Boko urakng mombaba' io ko Yesus ongko momuhun oca' Yesus moncama'nyo pakai' monyamani io.

Kisah Boko Rasul 19:12

Malahan sapu tangan damo koitn inyo kalo dipakai Paulus, ulih digunoan pakai' monyamani boko urakng. Aman boko koitn nantai dilota'an ko urakng boponyakit, ongko sia' monjadi nyamanam. Aman boko koitn nantai dilota'an ko boko urakng inyo korasu'an, ongko boko roh jahat koluar doi' sia'.

Lukas 5:17

Pas ari nantai Yesus mongajar disobuah rumah. Di santai ado boboropo urakng guru hukupm Yahudi ongko boboropo urakng pomimpitn agama doi' kolompok Farisi. Sia' dudu' mondingaꞌan Yesus mongajar. Sia' datakng doi' boko laman di doerah Galilea ongko doerah Yudea, huatan doi' kota Yerusalem jam. Allah moonju' kuaso-Nyo ko Yesus pakai' monyamani urakng boponyakit.

Lukas 6:18

Sia' datakng honda' mondingaꞌ pongajaran Yesus. Huatan minto nyamani doi' bomacapm ponyakit sia'. Tomansu' boko urakng inyo korasu'an roh jahat.