Lukas 6:18 - Porjanjian Boharu Torjomahan Baso Dilakng Soari-ari

¹⁸ Sia' datakng honda' mondingaꞌ pongajaran Yesus. Huatan minto nyamani doi' bomacapm ponyakit sia'. Tomansu' boko urakng inyo korasu'an roh jahat.

Lukas 6:18 ပူးပေါင်းရင်းမြစ်များ

Matius 15:22

Siku' botina' doi' doerah nantai datakng ko Yesus. Botina' nantai doi' banso Kanaan. Sio moningkau, “Tuhatn, Rajo doi' koturutan Daud. Kasihicam aku! Ana' botina' ku dirasu'i roh jahat. Io kotakan podih jorih.”

Matius 17:15

Kato io, “Tuhatn, aku momuhun kasihicam ana'ku. Io kompodihan obai ado ponyakit inyo opat bulah io gogilo babi. Io opat jatu' ko dalapm api huatan opat jatu' ko dalapm ara'i.

Lukas 6:17

Lopas nantai, Yesus turutn doi' bukit sosamo agatn boko Rasul-Nyo. Datakng ko kontanjukan sia' botongga'. Di santai udah bokumpul boko murid-Nyo huatan banyaꞌ urakng bukainyo doi' soluruh doerah Yudea, tomansu' doi' Yerusalem, ongko doi' boko kota Tirus huatan Sidon di pantai lout.

Lukas 6:19

Somuo urakng bousaha moncama' Yesus, obai ado kuaso inyo koluar doi'-Nyo inyo monyamani somuo urakng nantai.

Kisah Boko Rasul 5:16

Banya' urakng doi' boko kota di sokitar Yerusalem pan mombaba' boko urakng boponyakit agatn urakng inyo mondorita' obai korasu'an roh jahat. Somuo sia' dinyamanan.