Lukas 6:17 - Porjanjian Boharu Torjomahan Baso Dilakng Soari-ari

¹⁷ Lopas nantai, Yesus turutn doi' bukit sosamo agatn boko Rasul-Nyo. Datakng ko kontanjukan sia' botongga'. Di santai udah bokumpul boko murid-Nyo huatan banyaꞌ urakng bukainyo doi' soluruh doerah Yudea, tomansu' doi' Yerusalem, ongko doi' boko kota Tirus huatan Sidon di pantai lout.

Lukas 6:17 ပူးပေါင်းရင်းမြစ်များ

Matius 11:21

“Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Matius 12:15

Apo Yesus mongotohu'i gogadatn boko urakng Farisi nantai. Jadi, Sio botula' doi' su'utn. Banya' urakng tuyut Sio, huatan Sio monyamani somuo sia'.

Matius 14:14

Watu Yesus mondarat, Sio moniant kotakan banya' urakng di santai. Jadi, Sio mooso salu' agatn sia' lalu monyamani boko urakng inyo boponyakit di antaro sia'.

Matius 15:21

Lopas nantai, Yesus moninggalan tompat nantai lalu botula' ko doerah Tirus ongko Sidon.

Matius 5:1

Timpu Yesus moniant urakng banya' nantai, Sio noi' ko pucu' bukit. Sio dudu' di santai ongko boko murid-Nyo datakng ko Sio.

Lukas 5:15

Apo borito mongona'i Yesus nantai toborito ko mono-mono jam, sampai banyaꞌ urakng datakng honda' mondingaꞌan Yesus. Sia' pan minto dinyamani doi' ponyakit sia' jam.

Lukas 6:12

Timpu nantai, Yesus botula' ko bukit pakai' bodoa. Somalapm tumbas Sio bodoa ko Allah.

Lukas 6:18

Sia' datakng honda' mondingaꞌ pongajaran Yesus. Huatan minto nyamani doi' bomacapm ponyakit sia'. Tomansu' boko urakng inyo korasu'an roh jahat.