Lukas 6:12 - Porjanjian Boharu Torjomahan Baso Dilakng Soari-ari

¹² Timpu nantai, Yesus botula' ko bukit pakai' bodoa. Somalapm tumbas Sio bodoa ko Allah.

Lukas 6:12 ပူးပေါင်းရင်းမြစ်များ

Matius 5:1

Timpu Yesus moniant urakng banya' nantai, Sio noi' ko pucu' bukit. Sio dudu' di santai ongko boko murid-Nyo datakng ko Sio.

Matius 6:6

Apo watu kaitn bodoa, mansu'cam ko dalapm kamar kaitn, ongko tutupcam lawakng. Bodoacam ko Allah Bopai kaitn inyo ado di tompat tobumbutn nantai. Ongko bayo Allah Bopai kaitn inyo ulih mongotohu'i hal nantai, Sio paca'an moonji'i upah ko kaitn.

Markus 1:35

Sunsukng pukau, watu ari ija' potakng, Yesus huas lalu botula' ko doerah inyo langunt ongko bodoa di santai.

Markus 3:13

Yesus noi' ko pucu' bukit lalu moningkau boko urakng inyo kohonda' Sio. Jadi, sia' datakng ko Sio.

Markus 6:46

Lopas urakng banya' nantai botula', Yesus mondaki ko bukit pakai' bodoa.

Lukas 5:16

Ongko Yesus opat monjouhan diri ko tompat inyo langunt pakai' bodoa.

Lukas 6:11

Moniant kojadian nantai boko guru agama Yahudi ongko urakng Farisi kotakan godi. Ongko sia' bohoupm la'apo inyo gola' sia' labuhan ko Yesus.

Lukas 6:17

Lopas nantai, Yesus turutn doi' bukit sosamo agatn boko Rasul-Nyo. Datakng ko kontanjukan sia' botongga'. Di santai udah bokumpul boko murid-Nyo huatan banyaꞌ urakng bukainyo doi' soluruh doerah Yudea, tomansu' doi' Yerusalem, ongko doi' boko kota Tirus huatan Sidon di pantai lout.

Lukas 9:18

Pas ari nantai, Yesus bodoa sonsiku'an. Bayo ado boko murid-Nyo di tompat nantai. Lalu, Yesus botakutn ko sia', “Kuji urakng banyaꞌ, sopo Aku ni'in?”

Lukas 9:28

Dolapatn ari lopas nantai, Yesus noi' ko pucu' bukit pakai' bodoa. Sio mombaba' Petrus, Yohanes ongko Yakobus jam.

Lukas 9:29

Apo di su'utn sia' Petrus ongko pokawalannyo toidu'. Watu Yesus tongahan bodoa, ponampilan rupo mato-muho-Nyo borubah, mula'i bocohayo ongko pakai'an-Nyo monjadi putih monyilauan. Colanant duo urakng agi' ado di siatn, Nabi Musa ongko Nabi Elia. Kotiat'an nam sia' agatn cohayo doi' sorugo. Sia' bopandir ko Yesus mongonaꞌi komatian-Nyo di kota Yerusalem, boko hal inyo kinyo manah agi' paca'an dialapi-Nyo sosuai agatn kohonda' Allah. Timpu nian jam, Petrus, Yohanes ongko Yakobus tohuas. Sia' moniant Yesus bocohayo, ongko koduo nabi nantai bodiritn di dampikng-Nyo.

Yohanes 6:3

Yesus noi' ko pucu' bukit lalu dudu' di santai agatn boko murid-Nyo.

Kolose 4:2

Bodoacam agatn somombondarannyo. Dalapm doa kaitn, gola' hala bososiap huatan bosukur ko Allah.

Ibrani 5:7

Watu Yesus hidup di dunia ni'in sobagai monsio, Sio bodoa kapikng mondorah huatan monangis. Sio momuhun ko Allah inyo sanggup monyolamant'an-Nyo doi' komatian. Allah monimbasi doa-Nyo obai Sio hala monuruti kohonda' Allah.