Lukas 5:8 - Porjanjian Boharu Torjomahan Baso Dilakng Soari-ari

^8-10 Somuo nolayatn di santai hiratn obai banya' bondar sia' bulih ikatn. Ado di antaronyo kawal Simon di santai bodamoan Yakobus agatn Yohanes, poana'an Zebedeus. Moniant kuaso Yesus doi' Allah, Simon mooso kinyo cucu'. Io lansukng tundu' dihadapan Yesus. Kato io, “Jouhan diri Duatn doi' si'itn! Tinggalan aku obai aku urakng bodosa.” Apo Yesus bopandir ko io, “Jangan gola'. Sokomai kolai ponjalo ikatn, apo mula'i ari ni'in jam kolai Ku jadian ponjalo monsio pakai' jadi murid-Ku.”

Lukas 5:8 ပူးပေါင်းရင်းမြစ်များ

Matius 17:6

Mondinga' saro nantai, boko murid-Nyo monjadi kotakng gola'. Sia' tundu' monyungkapan agatn mato-muho ko tanah.

Matius 2:11

Sia' mansu' ko dalapm rumah nantai ongko moniant Bobia' nantai bosamo agatn Maria, indai-Nyo. Sia' monyungkapan monyombah Bobia' nantai, ongko mombuka' poti tompat bando barakng sia'. Sia' moonju' boko posombahan ko Sio, ia'an omas, monyan ongko mur.

Matius 8:8

Apo powira nantai monimbas, “Aku co cucu' monorima' Duatn dalapm rumahku. Apo porintahan doi' si'itn ja'am, pasti hulutnku paca'an nyamanam.

Lukas 5:7

Ongko sia' mongkongkijap pokawalan bukainyo minto tulukng. Kali udah datakng porohu kawalnyo nantai, sia' moisi'i porohu sia' agatn ikatn. Koduonyo sarat sampai pan porohu sia' hampir karapm.

Yohanes 11:32

Watu Maria datakng di tompat Yesus huatan moniant Io, lansukng Maria tundu' monyungkapan di pohadapan kaki-Nyo. Kato Maria ko Sio, “Tuhatn, soandainyo Duatn ado di si'itan sobolupmnyo, pasti somadikanku kinyo mati.”

1 Korintus 13:12

Agatn poumpamoan bukai, kito watu ni'in samo sama'an kito moniant dalapm coromin suatu kombayakan inyo kinyo jolas. Apo nono watu kito ado di sorugo kito paca'an moniant socaro lansukng. Ni'inan kito bayo mongonal Allah socaro kurakng sompurna. Apo nono kito paca'an mongonal Sio agatn sompurna. Samo sama'an Allah udah mongonal kito agatn sompurna.

Wahyu 1:17

Pas aku moniant-Nyo, aku lansukng tokosungkapm di hadapan kaki-Nyo sama'an urakng mati. Apo Sio molota'an longan kanan-Nyo ko aku. Kato-Nyo, “Jangan gola'! Aku ninam inyo Potamo ongko inyo toahir,