Lukas 5:7 - Porjanjian Boharu Torjomahan Baso Dilakng Soari-ari

⁷ Ongko sia' mongkongkijap pokawalan bukainyo minto tulukng. Kali udah datakng porohu kawalnyo nantai, sia' moisi'i porohu sia' agatn ikatn. Koduonyo sarat sampai pan porohu sia' hampir karapm.

Lukas 5:7 ပူးပေါင်းရင်းမြစ်များ

Markus 4:36

Jadi, sia' moninggalan urakng banya' nantai ongko botula' bosamo Yesus. Sia' jumpat porohu bokas Yesus udah dudu' pakai' mongajar tontai. Ado boko porohu bukai inyo tuyut jam.

Lukas 5:6

Kali udah ditibaran jalo nantai, sia' bulih ikatn kotakan banyaꞌ sampai pan jalo sia' udah mula'i birat.

Lukas 5:8

Somuo nolayatn di santai hiratn obai banya' bondar sia' bulih ikatn. Ado di antaronyo kawal Simon di santai bodamoan Yakobus agatn Yohanes, poana'an Zebedeus. Moniant kuaso Yesus doi' Allah, Simon mooso kinyo cucu'. Io lansukng tundu' dihadapan Yesus. Kato io, “Jouhan diri Duatn doi' si'itn! Tinggalan aku obai aku urakng bodosa.” Apo Yesus bopandir ko io, “Jangan gola'. Sokomai kolai ponjalo ikatn, apo mula'i ari ni'in jam kolai Ku jadian ponjalo monsio pakai' jadi murid-Ku.”

Kisah Boko Rasul 11:25

Lopas nantai, Barnabas honda' bogoyap potulukan dalapm pogota'annyo doi' Saulus. Jadi, Barnabas botula' ko kota Tarsus pakai' bousaha monggoyapi Saulus di su'utn. Lopas jadi monomuan Saulus, io mombaba' Saulus bobali' ko Antiokhia.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.