Lukas 5:5 - Porjanjian Boharu Torjomahan Baso Dilakng Soari-ari

⁵ Simon monimbas, “Guru, somalapm tumbas koi monjalo apo nyiant ado pongulih siku' pan. Apo, obai Duatn monyiuhnyo, aku totap labuh monibaran jalo agi'.”

Lukas 5:5 ပူးပေါင်းရင်းမြစ်များ

Lukas 17:13

Sia' mondongkakng-mondorah moningkau Yesus, “Habakng! Tulukng nyamanibo koi!”

Lukas 8:24

Ongko boko murid monggagaian Yesus. Kato sia', “Guru, Guru! Kito tajahan bonaso!” Yesus pan huas, mohakap angin bonakau ongko golumbakng bosar nantai oca'nyo botongga'. Ongko, samo-jatu' botongga'am.

Lukas 8:45

Yesus botakutn, “Sopo inyo moncama' Aku?” Nyiant siku' pan inyo moaku'inyo. Ongko Petrus bopandir, “Guru, ado kotakan banyaꞌ boko urakng inyo mongorumuni Duatn. Sopo pan ulih moncama' Duatn.”

Lukas 9:33

Watu koduo nabi nantai honda' moninggalan Yesus, Petrus bopandir ko Yesus, “Guru, boi' bondar kito di si'itn. Biaram koi bulah tigo buah potungguan di si'itn, sobuah pakai' Duatn, sobuah pakai' Nabi Musa, sobuah pakai' Nabi Elia.” Apo Petrus kinyo mongoroti agatn pomandirannyo nantai.

Lukas 9:49

Ongko Yohanes bopandir, “Guru, koi moniant siku' urakng inyo monundukng roh jahat momakai kuaso doi' Duatn. Apo koi morarakng io, obai io bukainyo doi' kolompok kito.”

Yohanes 15:14

Kaitn nam boko pokawalan-Ku, ia'an aman kaitn molabuhan la'apo inyo Ku porintahan ko kaitn.

Yohanes 2:5

Apo indai Yesus bopandir ko boko hulutn di siatn nantai, “Haja' kato labuhan nam la'apo inyo Io padahan ko kaitn.”

Yohanes 21:3

Kato Simon Petrus ko sia', “Aku honda' botula' monjalo ikatn.” Kato sia' ko io, “Koi tuyut jam.” Jadi, sia' borangkat jumpat porohu. Apo, somalapan nantai sia' co bulih siku' pan.