Lukas 5:35 - Porjanjian Boharu Torjomahan Baso Dilakng Soari-ari

³⁵ Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bopuaso.”

Lukas 5:35 ပူးပေါင်းရင်းမြစ်များ

Lukas 17:22

Lalu Yesus bopandir ko boko murid-Nyo, “Ana' Monsio gola' ajab sonsaro kotakng banyaꞌ boko urakng dijoman ni'in tajahan monula' Io. Jadi, tajahan ado watu nononyo, kaitn honda' moniant biar bayo soari pan, doi' boko ari Ana' Monsio momorintah di dunia ni'in. Apo kaitn kinyo paca'an moniantnyo. Jadi, nononyo aman ado urakng inyo bopandir, ‘Tiat! Sio ado di si'itn.’ Damo Sio ado di su'utn, pasti tumbukan. Jadi, pompadohan tuyut sia'. Obai timpu ana' monsio bobali' ko dunia ni'in, somuo urakng ulih moniant kodatakan nantai agatn jolas. Samo sama'an kilat momanjah ongko bulah somuo langit torakng. Ubo niannam kodatakan Ana' Monsio.

2 Korintus 11:27

Aku bosusah payah, bokorojo koras, opat kurakng tidu', opat kolaparan ongko korahakan, opat co makatn, opat kodinginan obai pakai'anku kinyo cukup.

1 Korintus 7:5

Jangan hala monula' kohonda' pakai' bohubukan laki-bini. Kocuali ado houpm-kubo bosamo pakai' somontaro watu oca' ulih moutamoan doa. Apo lopas nantai sia' duo kopal-kumpul. Aman cado, Rajo Sitatn ulih moncubo'i kaitn oca' obai kaitn co ulih monahan kohonda' diri kaitn siku'.

Kisah Boko Rasul 14:23

Paulus ongko Barnabas pan momilih boko pomimpitn pakai' sotiap kolompok urakng pocayo. Boko pomimpitn nantai dipilih doi' boko urakng inyo udah pocayo agatn Yesus, Tuhatninyo bokuaso dipucu' somuonyo. Paulus ongko Barnabas bodoa kapikng bopuaso oca' Tuhatn totap monjago somuo pomimpitn nantai.

Kisah Boko Rasul 3:21

Apo Yesus gola' bodiapm di sorugo holu'ai. Sio paca'an datakng agi', watu Allah bulah dunia monjadi boharu. Allah udah bojanji mongona'i hal nantai. Janji-Nyo ditulis boko nabi-Nyo watu joman komai.

Kisah Boko Rasul 1:9

Lopas jadi Sio bopandir ubo nantai, Sio toangkat ko sorugo. Sia' moniant Sio sampai awatn monutupi-Nyo. Ongko sia' co dapat moniant Sio agi'.

Yohanes 16:28

Aku boasal doi' Bopai huatan datakng ko dalapm dunia. Apo, sobontar agi', Aku moninggalan dunia ni'in lalu bobali' ko Bopai.”

Yohanes 13:33

Poana'an-Ku, ija' bayo sobontar cam Aku ado bosamo kaitn. Lopas nantai, kaitn paca'an monggoyapi-Ku. Huatan, samo sama'an inyo udah Ku pandiran ko boko pomimpitn agama Yahudi, watu ni'in pan Aku bopandir ko kaitn: Kaitn culih datakng ko tompat Aku botula'.

Yohanes 12:8

Urakng jaro hala ado bosamo kaitn, apo Aku kinyo paca'an hala bosamo kaitn.”

Matius 9:15

Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Markus 2:20

Apo watunyo tajahan datakng, pongantitn lolaki dikuti' doi' sia'. Watu nantai, sia' tajahan bopuaso.

Lukas 5:34

Timbas Yesus ko sia', “Apobai kaitn ulih monyiuh boko pokawalan pongantitn lolaki bopuaso, somanah pongantitn lolaki nantai bosamo-samo sia'? Tontuam cado.

Lukas 5:36

Lalu Yesus mongajar agatn poumpamoan ni'in, “Co nyiant urakng inyo monambal baju buru' agatn kobiratan koitn doi' baju boharu. Obai baju inyo boharu nantai monjadi birat. Apotolagi' koitn doi' baju boharu kinyo cucu' agatn baju buru' nantai.