Lukas 5:33 - Porjanjian Boharu Torjomahan Baso Dilakng Soari-ari

³³ Boko urakng botakutn ko Yesus, “Boko murid Yohanes Pombaptis hala bopuaso ongko bodoa. Murid boko urakng Farisi samaꞌan nantai jam. Apo boko murid Duatn cado. Ma'apo sia' totap makatn-minum?”

Lukas 5:33 ပူးပေါင်းရင်းမြစ်များ

Lukas 20:47

Sia' mongolakari boko botina' balu pakai' mondapat'an boko kodampuan sia', sampai rumah sia' pan dikuti'. Sia' moucap'an doa inyo bokopanjakan, apo nantai bayo pompadah boi' ja'am. Obai somuo porangai sia' inyo jahat nantai, Allah pasti tajahan mohukupm sia' lobih borat doi' urakng bukai.”

Lukas 18:12

Aku bopuaso duo kali sominggu. Aku moonju' populuhan ko Allah doi' somuo pongulihanku.’

Kisah Boko Rasul 9:11

Tuhatn bopandir ko io, “Bososiapcam! Botula' ko rumah Yudas di Jalatn Lurus. Pandiran ko urakng di rumah nantai obai kolai monggoyapi Saulus doi' kota Tarsus. Saulus ni'inan tongahan bodoa.

Yohanes 3:25

Boko murid Yohanes botikakng agatn siku' urakng Yahudi mongona'i poraturan agama mongona'i pomborosihan.

Yohanes 1:35

Kohobu'annyo, Yohanes bodiritn agi' di tompat nantai. Bosamo agatn duo muridnyo.

Lukas 11:1

Pas ari nantai, Yesus bodoa di sobuah tompat. Watu Sio jadi bodoa, boko murid-Nyo bopandir agatn Sio, “Tuhatn, padahibo koi bodoa, samo agatn Yohanes mongajar boko muridnyo bodoa.”

Markus 12:40

Sia' monipu boko botina' balu ongko morampas rumah sia'. Sia' moucap'an doa inyo kotakng panjakng, apo nantai bayo pompadah mo. Obai somuo porbuatan sia' inyo jahat nantai, Allah pasti tajahan mohukupm sia' lobih borat!”

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Lukas 5:32

Aku kinyo datakng pakai' moningkau kaitn inyo moanggap dirinyo bondar. Apo Aku datakng pakai' moningkau boko urakng moninggalan boko dosanyo oca' ulih diamputi.”

Lukas 5:34

Timbas Yesus ko sia', “Apobai kaitn ulih monyiuh boko pokawalan pongantitn lolaki bopuaso, somanah pongantitn lolaki nantai bosamo-samo sia'? Tontuam cado.