Lukas 5:30 - Porjanjian Boharu Torjomahan Baso Dilakng Soari-ari

³⁰ Apo boko urakng Farisi ongko boko guru agama Yahudi botuta'-bomamai. Sia' bopandir ko murid Yesus, “Ma'apo kaitn makatn-minum bokawal agatn ponagih pajak ongko boko urakng bukai inyo bodosa? Nian salah!”

Lukas 5:30 ပူးပေါင်းရင်းမြစ်များ

Matius 5:46

Aman kaitn mongasihi bayo boko urakng inyo mongasihi kaitn, nantai bukainyo sosuatu inyo istimewa sampai cucu' mondapat hormat. Obai boko ponagih pajak inyo jahat bulah ubo nian jam.

Matius 9:11

Watu nantai boko pomimpitn agama Yahudi doi' kolompok Farisi moniant hal nantai, sia' bopandir ko boko murid Yesus. Kato sia', “Ma'apo guru kaitn makatn bosamo-samo agatn ponagih pajak ongko boko urakng bukai inyo bodosa?”

Markus 2:16

Apo watu boko pomimpitn agama Yahudi doi' kolompok Farisi ongko boko guru agama Yahudi moniant Yesus makatn agatn ponagih pajak ongko boko urakng bodosa. Sia' bopandir ko boko murid Yesus, “Mapo Sio makatn bosamo agatn ponagih pajak ongko boko urakng bodosa?”

Markus 7:3

Obai, boko urakng Farisi samo sama'an somuo urakng Yahudi bukai hala monuruti poraturan angki-bayatn sia'. Sobolupm sia' makatn, sia' hala mombasu'i jari agatn caro totontu.

Markus 9:16

Yesus botakutn, “La'apo inyo kaitn potikakan?”

Lukas 18:11

Urakng Farisi nantai lalu bodoa dalapm hati ubo ni'in, ‘Oi Allah, aku bosukur ko Duatn, obai aku co bodosa samaꞌan urakng bukai inyo mongolit, molanggar hukupm, bomporajoan damo jahat samaꞌan ponagih pajak ni'in.

Lukas 19:7

Apo boko urakng inyo moniant Yesus botula' ko rumah Zakheus botuta'. Kato sia', “Uai! Sio monoluntukng di rumah urakng inyo bodosa.”

Lukas 5:17

Pas ari nantai Yesus mongajar disobuah rumah. Di santai ado boboropo urakng guru hukupm Yahudi ongko boboropo urakng pomimpitn agama doi' kolompok Farisi. Sia' dudu' mondingaꞌan Yesus mongajar. Sia' datakng doi' boko laman di doerah Galilea ongko doerah Yudea, huatan doi' kota Yerusalem jam. Allah moonju' kuaso-Nyo ko Yesus pakai' monyamani urakng boponyakit.

Lukas 5:21

Boko guru agama Yahudi ongko pomimpitn agama doi' kolompok Farisi mula'i bopandir agatn siku'-monyiku', “Urakng ni'in conyiant haknyo bopandir bunyi nantai! Sio bopandir ubo Sio nanam Allah! Ongkah Allaham inyo ulih moamputi dosa!”

Lukas 7:34

Lopas nian Ana' Monsio datakng. Io makatn, minum, ongko sia' bopandir Io kaha', pomabu', kawal ponagih pajak ongko urakng bukai inyo bodosa.

Lukas 7:39

Urakng Farisi inyo mohundakng Yesus moniant porbuatan botina' nantai. Ongko, bopandir dalapm hatinyo, “Aman Sio bondar-bondar nabi, soharusnyo Sio tohu mongonaꞌi kohidupan botina' ni'in. Botina' inyo hidup dalapm dosa!”

Kisah Boko Rasul 23:9

Sia' monjadi kotakan camuh. Ongko, boboropo guru agama doi' kolompok Farisi bodiritn. Sia' molawatn boko urakng Saduki agatn koras. Sia' bopandir, “Monurut koi, urakng ni'in samo sokali kinyo bosalah! Mungkitn ado molekat damo roh inyo bopandir ko io.”