Lukas 5:24 - Porjanjian Boharu Torjomahan Baso Dilakng Soari-ari

²⁴ Apo aman Aku monyamani urakng lumpuh ni'in, kaitn tajahan tohu obai Ana' Monsio bokuaso moamputi dosa!” Lalu Yesus bopandir ko urakng lumpuh nantai, “Bodiritn cam, baba' kotidu'an kolai, huatan pulakngcam!”

Lukas 5:24 ပူးပေါင်းရင်းမြစ်များ

Matius 16:13

Lopas nantai Yesus botula' ko doerah dampikng kota Kaisarea Filipi. Di santai Sio botakutn ko boko murid-Nyo, “Kuji boko urakng, sopo Ana' Monsio?”

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Matius 26:64

Timbas Yesus, “Ubo kato kaitn nam. Apo porotian ja' ni'in! Mula'i doi' watu ni'in, kaitn paca'an moniant Ana' Monsio, dudu' di tompat inyo tohormat disopia' kanan Allah Inyo Kotakan Bokuaso. Kaitn paca'an moniant-Nyo datakng doi' sorugo di pucu' boko awatn.”

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Matius 9:6

Apo watu ni'in Aku honda' moniant'an ko kolai obai di pucu' bumi ni'in Ana' Monsio bokuaso moamputi dosa.” Ongko Yesus bopandir ko urakng lumpuh nantai, “Huascam, angkat kotidu'an kolai, huatan pulakngcam ko rumah kolai!”

Lukas 5:13

Yesus mouluran longan-Nyo, moncama' urakng nantai. Kato-Nyo, “Aku honda'. Nyamancam!” Ponyakit kulit nantai samo-jatu' hilakam doi' bukakngnyo.

Lukas 5:18

Timpu nantai boboropo urakng datakng mombaba' siku' urakng boponyakit lumpuh inyo diulit'an di tikar. Sia' bousaha mombaba' urakng nantai ko dalapm rumah oca' io dilota'an di hadapan Yesus pakai' dinyamani.

Lukas 5:23

Cubo kaitn pikir! Mono inyo lobih mudah momandiran, ‘Dosa kolai udah diamputi’ kata'an momandiran ‘Angkat ongko bodiritncam.’

Lukas 7:14

Lalu Yesus mohampiki pompikulan lancakng bobia' muda' inyo mati nantai, ongko moncama'nyo. Boko urakng inyo momikul lancakng nantai botongga'. Kali sia' udah botongga' Yesus bopandir ko bobia' muda' inyo mati nantai, “Oi bujakng, huas cam!”

Lukas 8:54

Ongko, Yesus moncanggapm longan bobia' nantai. Kato-Nyo, “Uai bobia', huascam!”

Yohanes 11:43

Lopas jadi Yesus bopandir bunyi nantai, Sio moningkau kotakan borakng, “Lazarus, koluarcam!”

Yohanes 17:2

Bopai udah moonji'i kuaso ko io di pucu' somuo urakng. Duatn molabuhan nantai oca' Io ulih moonji'i kohidupan kokal ko somuo urakng inyo pocayo ko io, ia'an somuo urakng inyo Duatn onju' ko io.

Yohanes 3:13

Conyiant ado siku' pan inyo kalo noi' ko sorugo solaitn Ana' Monsio, inyo turutn doi' sorugo ko dunia ni'in.

Yohanes 5:27

Sio udah moonji'i kuaso ko Io pakai' mohakipi, obai Io nam inyo disobut Ana' Monsio.

Kisah Boko Rasul 14:10

Agatn saro borakng Paulus bopandir, “Bodiritn totontakngcam!” Lansukng urakng lumpuh nantai moloncat bodiritn. Io uliham bojalatn.

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Kisah Boko Rasul 9:34

Petrus bopandir ko io, “Eneas, Yesus Kristus monyamani kolai. Bodiritncam! Gilikngcam kotidu'an kolai.” Timpu nantai jam Eneas bodiritn.

Kisah Boko Rasul 9:40

Lopas nian, Petrus monyiuh somuo urakng koluar doi' ruakan nantai. Io molota'an kopututnyo ko lantai di sopia' bangkai nantai ongko bodoa. Ongko, io mongilikng bangkai nantai. Katonyo, “Tabita, huascam.” Lansukng Tabita moncolakan matonyo. Io moniant Petrus, ongko huas huatan dudu' tontakng.

Wahyu 1:13

Di tongah-tongah boko tihakng pompolitoan nantai, ado siku' urakng inyo kotiat'annyo ubo ‘Ana' Monsio’. Sio momakai jubah inyo panjakngnyo sampai ko kaki. Huatan di dado-Nyo ado pongobat punggukng doi' omas.