Lukas 5:22 - Porjanjian Boharu Torjomahan Baso Dilakng Soari-ari

²² Yesus tohu mo agatn pomikiran sia'. Jadi Sio bopandir ko sia', “Pomikiran di dalapm hati kaitn kotakan salah!

Lukas 5:22 ပူးပေါင်းရင်းမြစ်များ

Matius 12:15

Apo Yesus mongotohu'i gogadatn boko urakng Farisi nantai. Jadi, Sio botula' doi' su'utn. Banya' urakng tuyut Sio, huatan Sio monyamani somuo sia'.

Matius 12:25

Apo Yesus mongotohu'i pikiran sia'. Jadi, Io bopandir ko sia', “Aman sobuah koraja'an topocah dalapm boko kolompok inyo hala bomusuhan, pasti koraja'an nantai paca'an bonaso. Aman boko urakng dalapm sobuah kota hala bomusuhan, pasti kota nantai kinyo ulih botahatn. Aman boko anggota sokoluarga hala bomusuhan, pasti koluarga nantai paca'an hancur.

Matius 9:4

Apo, Yesus mongotohu'i pikiran sia'. Jadi, Io bopandir, “Pikiran dalapm hati kaitn jahat!

Markus 8:17

Apo Yesus mongotohu'i la'apo inyo sia' pandiran. Jadi Sio bopandir, “Mapo kaitn botikakng mongona'i conyiant roti? Kaitn kotakng uyuh mongoroti! Soharusnyo kaitn udah mongoroti!

Lukas 24:38

Apo Yesus bopandir ko sia', “Jangan kaitn gola'. Jangan gangga'-gua'an! Aku bondar-bondar udah bobali' hidup.

Lukas 5:21

Boko guru agama Yahudi ongko pomimpitn agama doi' kolompok Farisi mula'i bopandir agatn siku'-monyiku', “Urakng ni'in conyiant haknyo bopandir bunyi nantai! Sio bopandir ubo Sio nanam Allah! Ongkah Allaham inyo ulih moamputi dosa!”

Lukas 5:23

Cubo kaitn pikir! Mono inyo lobih mudah momandiran, ‘Dosa kolai udah diamputi’ kata'an momandiran ‘Angkat ongko bodiritncam.’

Kisah Boko Rasul 5:3

Apo Petrus bopandir, “Ananias, kolai udah mombiaran Rajo Sitatn monguaso'i hati kolai! Kolai moncubo monipu Roh Allah. Kolai tumbukan mongona'i hasil monjual tanah kolai inyo sobondarnyo. Kolai monyimpatn sobagi'an pakai' diri kolai siku'.

Ibrani 4:12

Obai, Pomandiran Allah ia'an pomandiran inyo hidup huatan bokuaso, lobih tajapm doi' podakng bomato duo. Samo sama'an podakng inyo ulih monuhu' monyongkayoan boko posigalan huatan sunsutn, sama'an nian jam pomandiran Allah ulih monuhu' kotakng dalapm huatan monyongkayoan jiwa ongko roh. Pomandiran Allah ulih momoriso pikiran ongko hajat hati kito.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.