Lukas 5:21 - Porjanjian Boharu Torjomahan Baso Dilakng Soari-ari

²¹ Boko guru agama Yahudi ongko pomimpitn agama doi' kolompok Farisi mula'i bopandir agatn siku'-monyiku', “Urakng ni'in conyiant haknyo bopandir bunyi nantai! Sio bopandir ubo Sio nanam Allah! Ongkah Allaham inyo ulih moamputi dosa!”

Lukas 5:21 ပူးပေါင်းရင်းမြစ်များ

Matius 26:65

Mondinga' nantai, Imam Agukng nantai mombirat-birat pakai'annyo. Katonyo ko boko pomimpitn inyo bukai di santai, “Io mohayam Allah! Co pontikng bogoyap sasi pakai' mongatoan kosalahan-Nyo! Kaitn udah mondinga' Sio mohayam Allah.

Matius 9:3

Ado boboropo guru agama Yahudi mondinga' nantai. Sia' mula'i bopikir dalapm hati, “Urakng ni'in mohayam Allah!”

Lukas 3:8

Jangan jam bopikir dalapm hati: Koi doi' koturutan Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan pakai' Abrahapm! Kaitn gola' molabuhan porbuatan inyo bondar pakai' monunju'an obai kaitn bondar-bondar bobali' doi' dosa samaꞌan tontanaman inyo bobuah huatan monunju'an obai nian tontanaman inyo boi'.

Lukas 5:17

Pas ari nantai Yesus mongajar disobuah rumah. Di santai ado boboropo urakng guru hukupm Yahudi ongko boboropo urakng pomimpitn agama doi' kolompok Farisi. Sia' dudu' mondingaꞌan Yesus mongajar. Sia' datakng doi' boko laman di doerah Galilea ongko doerah Yudea, huatan doi' kota Yerusalem jam. Allah moonju' kuaso-Nyo ko Yesus pakai' monyamani urakng boponyakit.

Lukas 5:22

Yesus tohu mo agatn pomikiran sia'. Jadi Sio bopandir ko sia', “Pomikiran di dalapm hati kaitn kotakan salah!

Lukas 7:49

Mondingaꞌ nantai, sia' inyo dudu' makatn bosamo Yesus bopandir dalapm hati, “Urakng ni'in kinyo bohak pakai' moamputi dosa! Ongkah Allah inyo ulih ubo nian!”

Yohanes 10:33

Kato sia', “Koi honda' monikapm Duatn agatn batu bukainyo obai pokoroja'an boi' inyo Duatn labuhan, apo obai Duatn mohayam Allah. Duatn bayo monsio mo, apo Duatn monyamoan diri Duatn agatn Allah!”

Roma 8:33

Kito umant pilihan Allah inyo udah Sio pulah monjadi bondar di hadapan-Nyo. Jadi, conyiant ado urakng inyo ulih monyalahan kito.