Lukas 5:17 - Porjanjian Boharu Torjomahan Baso Dilakng Soari-ari

¹⁷ Pas ari nantai Yesus mongajar disobuah rumah. Di santai ado boboropo urakng guru hukupm Yahudi ongko boboropo urakng pomimpitn agama doi' kolompok Farisi. Sia' dudu' mondingaꞌan Yesus mongajar. Sia' datakng doi' boko laman di doerah Galilea ongko doerah Yudea, huatan doi' kota Yerusalem jam. Allah moonju' kuaso-Nyo ko Yesus pakai' monyamani urakng boponyakit.

Lukas 5:17 ပူးပေါင်းရင်းမြစ်များ

Matius 11:5

Urakng buto moniant. Urakng lumpuh bojalatn. Urakng boponyakit kulit inyo bogola'i jadi nyamanam. Urakng tingal mondinga'. Urakng mati bobali' hidup agi'. Kabar Boi' diboritoan ko urakng jaro.

Matius 15:1

Lopas nian, ado boboropo pomimpitn agama Yahudi inyo datakng doi' Yerusalem, ia'an boboropo pomimpitn doi' kolompok Farisi ongko boboropo guru agama Yahudi jam. Sia' datakng ko Yesus. Kato sia',

Markus 1:45

Apo, urakng nantai botula' kinyo botongga' momboritoan kojadian nantai di mono-mono. Obai nantai, Yesus culih mansu' ko dalapm kota agi' socaro torakng-torakan. Sio gola' diapm di luar di tompat inyo langunt. Apo, urakng torus bodatakan ko Sio doi' mono-mono.

Markus 16:18

Aman sia' moncanggapm ular damo minum racutn, sia' kinyo paca'an dapat bonaso. Aman sia' molota'an jarinyo ko urakng sakit, lalu urakng nantai pan paca'an nyamanam.”

Markus 3:22

Boko guru agama Yahudi inyo datakng doi' Yerusalem bopandir, “Sio dikuaso'i Rajo Sitatn! Rajo Sitatn inyo moonji'i kuaso ko Sio pakai' monundukng boko roh jahat.”

Markus 5:30

Timpu nantai jam, Yesus mooso ado kuaso inyo koluar doi' diri-Nyo. Sio mongilikng ko urakng banya' lalu botakutn, “Sopo inyo moncama' jubah-Ku?”

Markus 7:1

Boboropo pomimpitn agama Yahudi datakng doi' Yerusalem, ia'an boboropo pomimpitn doi' kolompok Farisi ongko boboropo guru agama Yahudi jam. Sia' datakng ko Yesus.

Lukas 15:2

Di santai jam ado boko pomimpitn agama doi' kolompok Farisi ongko boko guru poraturan agama Yahudi. Sia' botuta', kato sia', “Ih, Urakng ni'in bokawal agatn boko urakng inyo kinyo boi'. Malahan io makatn samoan sia'!”

Lukas 2:46

Koponsuahannyo, lopas tigo ari monggoyapi, sia' monomuan Yesus di tongahlamanan Rumah Allah. Yesus tongahan dudu' agatn boko guru agama Yahudi mondingaꞌan pongajaran sia', huatan botakutn ko sia'.

Lukas 5:21

Boko guru agama Yahudi ongko pomimpitn agama doi' kolompok Farisi mula'i bopandir agatn siku'-monyiku', “Urakng ni'in conyiant haknyo bopandir bunyi nantai! Sio bopandir ubo Sio nanam Allah! Ongkah Allaham inyo ulih moamputi dosa!”

Lukas 5:30

Apo boko urakng Farisi ongko boko guru agama Yahudi botuta'-bomamai. Sia' bopandir ko murid Yesus, “Ma'apo kaitn makatn-minum bokawal agatn ponagih pajak ongko boko urakng bukai inyo bodosa? Nian salah!”

Lukas 6:19

Somuo urakng bousaha moncama' Yesus, obai ado kuaso inyo koluar doi'-Nyo inyo monyamani somuo urakng nantai.

Lukas 7:30

Apo boko pomimpitn agama doi' kolompok Farisi ongko boko guru agama Yahudi monula' kohonda' Allah pakai' monyolamant'an sia'. Sia' nantai boko urakng inyo co honda' dibaptis Yohanes.)

Lukas 8:46

Kato Yesus, “Apo ado urakng inyo moncama' Aku agatn songajo, Aku mooso ado kuaso inyo koluar tangga'i-Ku.”

Yohanes 3:10

Timbas Yesus, “Kolai ninam guru urakng Israel. Hibo kolai co mongotohu'inyo?

Yohanes 3:21

Apo, somuo urakng inyo bulah boko hal inyo bondar, sia' datakng ko torakng. Oca' kotiat'an obai porbuatan sia' sosuai agatn la'apo inyo dikohonda'i Allah.”

Kisah Boko Rasul 19:11

Allah moonji'i kuaso ko Paulus pakai' molabuhan boko mujisat inyo luar biaso.

Kisah Boko Rasul 4:30

Pakaicam koi pan, Tuhatn, pakai' monyamani boko urakng sakit. Pakaicam koi pakai' bulah mujisat agatn kuaso Yesus, Hulutn Duatn inyo kinyo bodosa.”

Kisah Boko Rasul 5:34

Apo ado siku' urakng doi' antaro kolompok pomimpitn nantai. Damonyo Gamaliel. Io nantai guru Poraturan agama Yahudi doi' kolompok urakng Farisi. Somuo urakng mohormati Io. Io bodiritn ongko monyiuh oca' boko rasul nantai dibaba' ko luar pakai' somontaro. Lopas nantai, io bopandir ko boko pomimpitn di su'utn.