Lukas 5:1 - Porjanjian Boharu Torjomahan Baso Dilakng Soari-ari

¹ Pas ari nantai Yesus mongajar di pinggir Danau Genesaret. Watu Yesus mongajar, banyaꞌ urakng bonsonsongka'an mongorumuni Sio honda' mondingaꞌan pomandiran Allah. Obai nianam Yesus toganggu' dalapm monyampaian pongajaran-Nyo.

Lukas 5:1 ပူးပေါင်းရင်းမြစ်များ

Matius 11:12

Tangga'i Yohanes Pombaptis momboritoan Kabar Boi' sampai watu ni'in, ado boko urakng inyo monontakng Koraja'an Sorugo. Agatn kokorasan, sia' bousaha mongalahan Koraja'an Sorugo.

Matius 14:34

Kali udah datakng di soborakng danau, sia' turutn doi' porohu di Genesaret.

Markus 3:9

Sio monyiuh boko murid-Nyo monyiap'an porohu pakai'-Nyo oca' Sio kinyo disosahan urakng banya' nantai.

Markus 4:1

Yesus mongajar agi' di pinggir danau. Banya' bondar urakng datakng sampai bosonsongka'an mongorumuni Sio. Jadi, Sio jumpat porohu inyo ado di danau nantai. Sio dudu' kapikng mongajar urakng banya' inyo ado di pantai.

Markus 5:24

Lalu, Yesus botula' bosamo agatn Yairus, banya' urakng tuyut Sio. Sia' bosonsongka'an di sokolilikng Yesus.

Markus 6:53

Lopas Yesus ongko boko murid-Nyo monyomborakng danau, sia' datakng di Genesaret. Sia' botongga' di santai.

Lukas 12:1

Timpu Yesus botula' doi' rumah urakng Farisi nantai, banyaꞌ bondar urakng bokumpul. Obai sia' kotakng banyaꞌ sampai ado inyo totonja'an kaki siku'-monyiku' obai honda' mondingaꞌ Yesus mongajar. Yesus lobih doholu bopandir ko boko murid-Nyo, “Jagocam diri kaitn oca' co monjadi urakng pompadah boi' samaꞌan pomimpitn agama doi' kolompok Farisi. Kotiat'annyo sia' molayati Allah, apo sobondarnyo cado. Kojahatan sia' mongkitn banyaꞌ, mompongaruhi urakng bukai samaꞌan ragi bulah roti mongkitn mongombakng.

Lukas 5:2

Yesus moniant duo buah porohu di pantai nantai. Boko ponjalo udah turutam ongko tongahan mombasu'i jalonyo.

Lukas 8:22

Pas ari nantai, Yesus agatn boko murid-Nyo ado di Danau Galilea. Yesus bopandir ko sia', “Mara kito botula' ko soborakng danau.” Jadi, sia' jumpat ko porohu, ongko botula'am.

Lukas 8:23

Watu sia' tongahan bolayar, Yesus toidu'. Lalu, datakam angin bonakau mohontapm danau nantai ongko bogolumbakng kotakng bosar. Ara'i mula'i mansu' ko dalapm porohu huatan kotakng mombohayoan bondar.

Lukas 8:33

Jadi, boko roh jahat nantai koluar doi' urakng nantai, tamo boko babi nantai. Lalu, boko babi nantai rari torojutn doi' koririkan bukit ko dalapm danau, ongko mati lomas.

Lukas 8:45

Yesus botakutn, “Sopo inyo moncama' Aku?” Nyiant siku' pan inyo moaku'inyo. Ongko Petrus bopandir, “Guru, ado kotakan banyaꞌ boko urakng inyo mongorumuni Duatn. Sopo pan ulih moncama' Duatn.”

Yohanes 1:40

Andreas ia'an salah siku' doi' koduo murid nantai inyo mondinga' pandir Yohanes lalu io tuyut Yesus. Andreas nam somadikan bondar Simon Petrus.

Yohanes 6:1

Lopas nantai, Yesus botula' ko soborakng Danau Galilea, inyo disobut jam Danau Tiberias.

Ibrani 13:7

Ingant cam boko pomimpitn kaitn inyo udah monyampaian Pomandiran Allah ko kaitn. Porotian cam caro hidup sia'. Sia' pocayo sampai mati. Tuyut cam toladatn sia' nantai.