Lukas 4:8 - Porjanjian Boharu Torjomahan Baso Dilakng Soari-ari

⁸ Apo Yesus bopandir ko Rajo Sitatn, “Pomandiran Allah inyo ditulis di dalapm Buku Suci, ‘Sombahcam Tuhatn Allah kolai ongko taat'i Sio aja'am.’ ”

Lukas 4:8 ပူးပေါင်းရင်းမြစ်များ

Matius 4:10

Apo Yesus bopandir ko io, “Oi Sitatn, jouhancam diri kolai doi' Aku! Obai, ado pomandiran Allah inyo ditulis dalapm Buku Suci, Sombahcam Tuhatn Allah kolai. Layati Sio ja'am.”

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Wahyu 22:9

Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai ongko boko somadikan kolai boko nabi ongko somuo urakng inyo monuruti somuo posatn dalapm buku ni'in. Sombah Allah aja'am.”

Yakobus 4:7

Obai nianam, turuti kohonda' Allah huatan lawatncam kohonda' Rajo Sitatn, lalu io paca'an botongga' moncubo bulah kaitn bodosa.

Lukas 4:4

Apo Yesus bopandir ko Rajo Sitatn, “Pomandiran Allah inyo ditulis dalapm Buku Suci, ‘Urakng kinyo bayo momontikan pomakatn pakai' kohidupan inyo sobondarnyo.’”

1 Petrus 5:9

Jadi, kaitn gola' totap pocayo kokuat pakai' molawatn Rajo Sitatn nantai. Obai, kaitn tohu obai boko somadikan soiman di soluruh dunia mondorita' jam samo sama'an kaitn jam.

Matius 16:23

Yesus mongilikng ko Petrus. Kato-Nyo, “Jangan kolai monjadi sama'an Rajo Sitatn mohalak-halaki Aku momonuhi roncana Allah. Kolai sonjumpat'an pikiran monsio, bukainyo pikiran Allah!”

Lukas 4:7

Aman Kolai monyombah aku, nononyo aku paca'an moonju' somuo ni'in ko Kolai.”