Lukas 4:41 - Porjanjian Boharu Torjomahan Baso Dilakng Soari-ari

⁴¹ Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Lukas 4:41 ပူးပေါင်းရင်းမြစ်များ

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Matius 8:16

Watu babahari, banya' urakng sakit dibaba' ko Yesus, tomansu' inyo korasu'an boko roh jahat. Agatn pomandiran-Nyo mo, Yesus monundukng boko roh jahat nantai. Sio pan monyamani somuo urakng inyo sakit di santai.

Matius 8:29

ongko mondorah, “Oi Ana' Allah! La'apo urusan Duatn agatn koi? Apobai Duatn datakng honda' mohukupm koi sobolupm watunyo inyo ditontuan Allah?”

Matius 8:4

Ongko Yesus bopandir ko io, “Jangan mongisahan hal ni'in ko sopo pan. Apo, botula'cam ko imam holu'ai pakai' momastian kolai udah nyamanam. Lopas nian onju'cam posombahan sosuai agatn porintah Musa. Nianam monjadi buti ko urakng bukai, kolai bondar-bondar udah nyamanam.”

Markus 1:25

Yesus mohakap roh jahat nantai, “Lolangunt! Koluarcam doi' urakng ni'in!”

Markus 1:32

Watu kobabahariannyo, lopas matoari tonggolapm, banya' urakng boponyakit dibaba' ko Yesus, tomansu' inyo korasu'an boko roh jahat.

Markus 1:34

Yesus monyamani banya' urakng inyo mondorita' kona' bomacapm ponyakit. Sio pan monundukng banya' roh jahat. Yesus morarakng boko roh jahat nantai bopandir, obai sia' mongotohu'i sopo Sio.

Markus 3:11

Sotiap kali boko roh jahat moniant Yesus, sia' lansukng mongorobahan di hadapan-Nyo. Boko roh jahat nantai mondongkakng-mondorah, “Duatam Ana' Allah!”

Lukas 4:39

Jadi Yesus mohampiki kotidu'annyo lalu mohakap ponyakit nantai. Timpu nantai jam botina' nantai nyamanam am huatan molayati sia'.

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yakobus 2:19

Kolai mongatoan obai kolai pocayo ongkah ado siku' Allaham. Nian boi'! Apo cubo bopikir. Boko roh jahat pan pocayo sama'an kolai jam! Huatan hal nian bulah boko roh jahat nantai bogogora'.