Lukas 4:34 - Porjanjian Boharu Torjomahan Baso Dilakng Soari-ari

³⁴ “Ih! Yesus urakng Nazaret, jangan Duatn mongoncaci' koi. Koi tohu Duatn inyo Suci doi' Allah! Duatn datakng pakai' mombonasoan koi?”

Lukas 4:34 ပူးပေါင်းရင်းမြစ်များ

Matius 8:29

ongko mondorah, “Oi Ana' Allah! La'apo urusan Duatn agatn koi? Apobai Duatn datakng honda' mohukupm koi sobolupm watunyo inyo ditontuan Allah?”

Markus 1:24

“Ih! Yesus, urakng doi' laman Nazaret, Duatn honda' bulah lapo agatn koi? Aku tohu Duatn Inyo Suci doi' Allah! Kata'an Duatn datakng pakai' mombonasoan koi ni'in bai?”

Markus 1:34

Yesus monyamani banya' urakng inyo mondorita' kona' bomacapm ponyakit. Sio pan monundukng banya' roh jahat. Yesus morarakng boko roh jahat nantai bopandir, obai sia' mongotohu'i sopo Sio.

Markus 5:7

Yesus bopandir, “Oi, roh jahat! Koluar doi' urakng ni'in!” Jadi, roh jahat nantai mondorah kotakan borakng, “Oi Yesus, Ana' Allah Inyo Maho Tinggi! Duatn honda' bulah lapo agatn aku? Aku muhun jangan monyisa aku!”

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Lukas 4:33

Di santai, di rumah sombayakng ado siku' urakng inyo dirasu'i roh jahat. Roh jahat nantai, bulah urakng nantai mondorah kotakng borakng,

Lukas 4:41

Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Lukas 8:37

Lalu boko pondudu' doerah Gerasa mominto Yesus moninggalan sia', obai sia' kotakng gola'. Ongko, jumpat am Yesus ko dalapm porohu sosamo boko murid-Nyo pakai' botula' bobali' ko soborakng danau.

Kisah Boko Rasul 16:39

Jadi, boko pojabat nantai datakng ongko momuhun maap ko Paulus ongko Silas. Lopas nantai, sia' moonju'an Paulus ongko Silas ko luar ponjara nantai. Sia' mominto oca' sia' duo moninggalan kota nantai.

Kisah Boko Rasul 2:27

Aku mooso logo obai Duatn co paca'an mombiaran Aku totap mati. Duatn co paca'an mombiaran utusan Duatn inyo Suci sampai momburu' di pasaran obai Aku hala taat huatan sotia agatn Duatn.

Kisah Boko Rasul 4:27

Oh, Tuhatn! Tulisan Rajo Daud nantai udah monjadi nyata. Di kota Yerusalem ni'in Gubernur Herodes, Gubernur Pontius Pilatus, boko urakng bukai Yahudi bosamo agatn boko urakng Yahudi udah bogabukng molawatn Yesus. Sio nantai Hulutn Duatn inyo kinyo bodosa, ia'an Rajo Inyo Duatn janjian.

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

Yakobus 2:19

Kolai mongatoan obai kolai pocayo ongkah ado siku' Allaham. Nian boi'! Apo cubo bopikir. Boko roh jahat pan pocayo sama'an kolai jam! Huatan hal nian bulah boko roh jahat nantai bogogora'.

1 Yohanes 3:8

Apo urakng inyo totap bulah dosa, rotinyo io ia'an ana' Rajo Sitatn. Nantai udah jolas obai Rajo Sitatn hala bulah dosa doi' sobolupm dunia dipulah. Nantaiam alasan Ana' Allah udah datakng ko dunia, ia'an oca' Sio monongga'an pokoroja'an Rajo Sitatn.

Wahyu 20:2

Io monangkap nago nantai, ia'an ular nantai doi' joman komai, Si ular tuho, ia'an Si Iblis, Rajo Sitatn. Molekat nantai mongobat Rajo Sitatn, ditikapannyo ko dalapm Jurakng Maut, lalu mongunci lawakngnyo pakai' soribu tohutn manahnyo. Rajo Sitatn ditahatn disiatntai oca' culihnyo monipu somuo urakng di dunia sampai masa soribu tohutn nantai udah habis. (Lopas nian, io paca'an dilopasan agi', apo ongkah pakai' watu inyo kinyo manah).

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.