Lukas 4:23 - Porjanjian Boharu Torjomahan Baso Dilakng Soari-ari

²³ Ongko kato Yesus ko sia', “Pasti kaitn paca'an momadahan pobaso ni'in ko Aku, ‘Uai dokter, nyamani bo diri kolai siku'.’ Kohonda'nyo kolai mombutian kuaso Kolai di tompat asal kolai ni'in agatn mujisat, samo samaꞌan mujisat inyo koi dinga' inyo udah kolai labuhan di Kapernaum.”

Lukas 4:23 ပူးပေါင်းရင်းမြစ်များ

Matius 13:54

Sio bobali' ko laman-tompu' tompat asal-Nyo lalu mongajar boko urakng di santai, di rumah sombayakng sia'. Lalu sia' hiratn. Kato sia', “Doi' mono Urakng ni'in bodapat kopintar-corodi'an sama'an nantai. Doi' mono Sio bodapat kuaso ongko mombulah mujisat ubo nantai?

Matius 4:13

Apo, Sio co bodiapm di kota Nazaret agi'. Sio pindah ko kota Kapernaum di pinggir danau Galilea di doerah Zebulon ongko Naftali.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Markus 6:1

Lopas nian, Yesus botula' doi' santai ongko pulakng ko laman tompat asal-Nyo. Boko murid-Nyo tuyut jam.

Lukas 2:39

Lopas Yusuf ongko Maria jadi molabuhan boko acara diporintahan dalapm Hukupm Torat pulakam sia' ko kota Nazaret, di doerah Galilea.

Lukas 2:51

Lopas nian Yesus pulakng sosamo agatn sia' ko kota Nazaret. Yesus totap taat agatn sia'. Indai-Nyo monyimpatn boko poristiwa inyo tojadi nantai, dalapm hatinyo.

Lukas 4:16

Di doerah Galilea nantai, Yesus datakng ko Nazaret, tompat Sio dibosaran. Watu ari Sabat, Sio mansu' ko rumah sombayakng ubo biasonyo. Ongko, Sio bodiritn, maju ko muka' pakai' mombaco doi' Buku Suci.

Lukas 4:31

Lopas nantai Yesus botula' ko kota Kapernaum di Galilea di santai Sio mongajar boko urakng pas Ari Sabat.

Lukas 4:35

Yesus mohakap roh jahat nantai, “Bobacap! Koluar cam tangga'i urakng ni'in!” Ongko roh jahat nantai mohompasan urakng nantai jatu' dipohadapan boko urakng banya', lopasnyo koluar doi' urakng nantai apo co ngompodihinyo.

Yohanes 4:28

Botina' nantai moninggalan poncou'annyo di santai lalu hingkas ko kota. Katonyo ko boko urakng di santai,

2 Korintus 5:16

Obai, nantai koi co agi' monilai urakng monurut ukuran kito. Koi kalo monilai Kristus monurut ukuran monsio. Apo ni'in co ija' sama'an nantaiam.