Lukas 4:16 - Porjanjian Boharu Torjomahan Baso Dilakng Soari-ari

¹⁶ Di doerah Galilea nantai, Yesus datakng ko Nazaret, tompat Sio dibosaran. Watu ari Sabat, Sio mansu' ko rumah sombayakng ubo biasonyo. Ongko, Sio bodiritn, maju ko muka' pakai' mombaco doi' Buku Suci.

Lukas 4:16 ပူးပေါင်းရင်းမြစ်များ

Matius 2:23

Sia' botula' ko laman inyo bodamo Nazaret ongko bodiapm di su'utn. Kojadian nantai tojadi oca' pomandiran Tuhatn Allah monjadi nyata. Timpu joman komai boko nabi monulis obai Rajo Inyo Dijanjian Allah paca'an disobut ‘Urakng Nazaret.’

Lukas 2:39

Lopas Yusuf ongko Maria jadi molabuhan boko acara diporintahan dalapm Hukupm Torat pulakam sia' ko kota Nazaret, di doerah Galilea.

Lukas 2:42

Pas Yesus boumur duo bolas tohutn, botula'am sia' oca' tuyut morayaan Ari Rayo Paskah sama'an biasonyo.

Lukas 2:51

Lopas nian Yesus pulakng sosamo agatn sia' ko kota Nazaret. Yesus totap taat agatn sia'. Indai-Nyo monyimpatn boko poristiwa inyo tojadi nantai, dalapm hatinyo.

Lukas 4:15

Sio mongajar diboko rumah sombayakng di santai. Ongko somuo boko urakng momuji Sio.

Lukas 4:17

Buku nabi Yesaya dionju' ko Sio. Sio mombuka'nyo, ongko monomuan boko ayat inyo honda' dibaco-Nyo. Ni'inan boko ayat inyo dibaco-Nyo,

Lukas 4:21

Huatan Sio mula'i mongajar sia'. Kato-Nyo, “Pas ari ni'in, watu kaitn mondingaꞌnyo, tulisan nabi Yesaya nantai udah digonapi.”

Lukas 4:23

Ongko kato Yesus ko sia', “Pasti kaitn paca'an momadahan pobaso ni'in ko Aku, ‘Uai dokter, nyamani bo diri kolai siku'.’ Kohonda'nyo kolai mombutian kuaso Kolai di tompat asal kolai ni'in agatn mujisat, samo samaꞌan mujisat inyo koi dinga' inyo udah kolai labuhan di Kapernaum.”

Yohanes 18:20

Apo Yesus bopandir ko io nantai, “Hibo kolai botakutn ko Aku? Aku hala bopandir torus-torakng di muka' umum. Aku hala mongajar di boko rumah sombayakng, huatan di Rumah Allah jam, tompat somuo urakng Yahudi bokumpul. Kinyo kalo Ku bumbutn. Takutan ja'am ko sia' inyo udah mondinga' boko ajaran-Ku. Pasti sia' tohu lapo inyo Ku katoan.”

Kisah Boko Rasul 17:2

Sama'an biaso, Paulus botula' ko rumah sombayakng nantai holu'ai. Di santai, io mongajar doi' Buku Suci. Somanah tigo minggu bojojurut, sotiap Ari Sabat Paulus agatn sia' bopandir mombahas Buku Suci di santai.