Lukas 3:14 - Porjanjian Boharu Torjomahan Baso Dilakng Soari-ari

¹⁴ Ado jam projurit inyo botakutn, “Niant apo agatn koi? La'apo inyo gola' koi labuhan?” Yohanes monimbas, “Jangan momoso minto duit ko urakng bukai. Jangan bulah boko tuduhan inyo kinyo bondar, oca' mondapat kountukan diri siku'. Jadi cukupancam diri kaitn agatn upah kaitn.”

Lukas 3:14 ပူးပေါင်းရင်းမြစ်များ

Matius 8:5

Yesus botula' ko kota Kapernaum. Watu Sio mansu' ko kota nantai, ado siku' urakng powira Romawi inyo datakng minto tulukng ko Sio.

Lukas 19:8

Lopas nian di rumahnyo, Zakheus bodiritn ongko bopandir ko Yesus, “Tuhatn, Aku bojanji moonju' sobagi'an doi' bando barakngku ko boko urakng jaro. Sotiap urakng inyo kalo aku kolakari, aku bojanji mombayar agi' ompat kali lipat!”

Lukas 3:10

Ongko urakng banya' nantai botakutn ko Yohanes, “La'apo inyo gola' koi labuhan pakai' monunju'an obai koi udah botongga' bulah dosa?”

Lukas 3:13

Yohanes monimbas, “Jangan monagih pajak lobih banyaꞌ doi' apo inyo udah ditontuan pomorintah.”

Kisah Boko Rasul 10:7

Ongko molekat nantai botula'. Lopas nantai, Kornelius moningkau duo hulutnnyo huatan siku' urakng projurit. Projurit nantai pan molayati Kornelius siku'. Projurit nantai hala moncubo monyonangan Allah jam.

Filipi 2:15

Agatn ubo nantai, kaitn hidup agatn caro inyo bondar ongko borosih. Kaitn hidup ubo poana'an Allah inyo culih disalahan biar pan kaitn ado di tongah-tongah boko urakng inyo jahat ongko co mongonal caro hidup inyo bondar. Jadi, kaitn monjadi torakng bagi sia', samo sama'an boko bintakng inyo bocohayo di dunia ni'in.

Filipi 4:11

Agatn pandir mongona'i ni'in, aku co bomasud aku ija' ado kokurakan. Obai, aku udah bolajar mooso tokosih dalapm koadaan lapo ja'.

Titus 2:3

Ubo nian jam agatn boko botina' inyo udah tuho. Ajaricam sia' pakai' hidup agatn caro inyo mohormati Allah. Sia' culih bojaha'i urakng bukai. Sia' culih gala' minum sampai mabu'. Sia' gola' mongajar boko hal inyo boi'.

Wahyu 12:10

Lalu, aku mondinga' saro inyo borakng di sorugo. Katonyo, “Ninam watunyo Allah monyolamant'an umat-Nyo! Ninam watunyo Allah monunju'an kuaso-Nyo. Ninam watunyo Allah kito moninjakan Korajaan-Nyo. Ninam watunyo Rajo Inyo Dijanjian Allah momorintah agatn kuaso-Nyo. Obai, Rajo Sitatn udah ditikapan doi' sorugo. Sio culih agi' monuntut boko somadikan kito siakng huatan malapm di hadapan Allah kito.