Lukas 3:10 - Porjanjian Boharu Torjomahan Baso Dilakng Soari-ari

¹⁰ Ongko urakng banya' nantai botakutn ko Yohanes, “La'apo inyo gola' koi labuhan pakai' monunju'an obai koi udah botongga' bulah dosa?”

Lukas 3:10 ပူးပေါင်းရင်းမြစ်များ

Lukas 3:12

Boko potugas ponagih pajak pomorintahan Romawi pan datakng ko Yohanes oca' sia' dibaptis. Sia' botakutn, “Guru, la'apo inyo gola' koi labuhan?”

Lukas 3:14

Ado jam projurit inyo botakutn, “Niant apo agatn koi? La'apo inyo gola' koi labuhan?” Yohanes monimbas, “Jangan momoso minto duit ko urakng bukai. Jangan bulah boko tuduhan inyo kinyo bondar, oca' mondapat kountukan diri siku'. Jadi cukupancam diri kaitn agatn upah kaitn.”

Lukas 3:8

Jangan jam bopikir dalapm hati: Koi doi' koturutan Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan pakai' Abrahapm! Kaitn gola' molabuhan porbuatan inyo bondar pakai' monunju'an obai kaitn bondar-bondar bobali' doi' dosa samaꞌan tontanaman inyo bobuah huatan monunju'an obai nian tontanaman inyo boi'.

Kisah Boko Rasul 16:30

Lopas nian, io moonju'an sia' duo ko luar. Io botakutn, “Boko habakng, la'apo inyo gola' aku labuhan oca' aku disolamant'an?”

Kisah Boko Rasul 2:37

Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 9:6

Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”