Lukas 24:51 - Porjanjian Boharu Torjomahan Baso Dilakng Soari-ari

⁵¹ Tongahan Sio molabuhan nantai, Sio tosongkayo doi' sia', toangkat ko sorugo.

Lukas 24:51 ပူးပေါင်းရင်းမြစ်များ

Markus 16:19

Lopas Tuhatn Yesus momandiran nantai ko sia', Sio noi' ko sorugo. Di su'utn Sio dudu' momorintah di tompat inyo tohormat di sopia' kanan Allah.

Lukas 24:50

Lopas nantai Yesus mombaba' boko murid-Nyo doi' kota Yerusalem ko laman Betania. Di santai Sio moangkat longan-Nyo, lalu momborokati sia'.

Lukas 24:52

Sia' tundu' monyombah Sio, lopas nantai sia' pulakng ko Yerusalem agatn hati kotakng rindakng bondar.

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Kisah Boko Rasul 1:9

Lopas jadi Sio bopandir ubo nantai, Sio toangkat ko sorugo. Sia' moniant Sio sampai awatn monutupi-Nyo. Ongko sia' co dapat moniant Sio agi'.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

Ibrani 4:14

Obai nantai, kito gola' kuat agatn kopocaya'an kito. Obai, kito ado Imam Agukng inyo kotakng bokuaso, ia'an Yesus, Ana' Allah. Sio udah mansu' sorugo, monjadi porontaro pakai' kito di hadapan Allah.