Lukas 24:50 - Porjanjian Boharu Torjomahan Baso Dilakng Soari-ari

⁵⁰ Lopas nantai Yesus mombaba' boko murid-Nyo doi' kota Yerusalem ko laman Betania. Di santai Sio moangkat longan-Nyo, lalu momborokati sia'.

Lukas 24:50 ပူးပေါင်းရင်းမြစ်များ

Matius 21:17

Lalu Sio moninggalan sia'. Sio botula' ko luar kota Yerusalem ko laman Betania lalu bomalapm di su'utn.

Markus 10:16

Yesus mongolu'i boko bobia' nantai, molota'an jari-Nyo ko pucu' sia', huatan momborokati sia'.

Markus 11:1

Yesus agatn boko murid-Nyo hampir datakng am ko Yerusalem. Sia' datakng di sobuah tompat dampikng laman Betfage ongko Betania, dikoririkan bukit Jaitun. Watu nantai, Yesus monyiuh duo urakng murid-Nyo botula' lobih doholu.

Lukas 24:51

Tongahan Sio molabuhan nantai, Sio tosongkayo doi' sia', toangkat ko sorugo.

Kisah Boko Rasul 1:12

Lopas nian boko rasul nantai bobali' pulakng ko Yerusalem doi' bukit Jaitun, kiro-kiro sopal jouhnyo.

Kisah Boko Rasul 1:9

Lopas jadi Sio bopandir ubo nantai, Sio toangkat ko sorugo. Sia' moniant Sio sampai awatn monutupi-Nyo. Ongko sia' co dapat moniant Sio agi'.

1 Timotius 2:8

Obai nantai, ongko aku bohak momuhun ko somuo lolaki: Di mono aja' kaitn bokumpul, kaitn gola' bodoa. Apo bodoa agatn hati inyo borosih. Jangan monyimpatn ponggodi dalapm hati. Jangan bokonjahatan agatn urakng bukai.