Lukas 24:44 - Porjanjian Boharu Torjomahan Baso Dilakng Soari-ari

⁴⁴ Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Lukas 24:44 ပူးပေါင်းရင်းမြစ်များ

Matius 1:22

Somuo hal nantai tojadi oca' pomandiran Tuhatn Allah ditopati. Timpu joman komai ado nabi inyo monulis pomandiran Allah nantai:

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

Matius 26:54

Apo aman Aku molabuhan nantai, lalu tulisan di dalapm Buku Suci mongona'i Aku kinyo paca'an digonapi. Tulisan nantai momandiran obai somuonyo gola' tojadi sama'an inyo tojadi watu ni'in.”

Matius 26:56

Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Markus 9:31

Obai Sio tongahan mongajar boko muridnyo. Kato-Nyo ko sia', “Ana' monsio paca'an ditangkap lalu disorahan ko urakng inyo molawatn Io. Sia' paca'an mombunuh-Nyo, apo Io paca'an bobali' hidup di ari ko tigo.”

Lukas 21:22

Obai niannam watunyo Allah tajahan mohukupm. Somuo inyo ditulis ulih boko nabi mongonaꞌi ni'in paca'an bondar tojadi.

Lukas 22:37

Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Lukas 24:46

Sio bopandir, “Di dalapm Buku Suci udah ado totulis mongonaꞌi Rajo Inyo Dijanjian Allah. Io gola' ajab sonsaro sampai mati, ongko tigo ari lopas nian Io bobali' hidup.

Lukas 9:22

Yesus pan bopandir, “Ana' Monsio gola' ajab sonsaro. Io paca'an ditula' ulih boko pomimpitn banso kito, boko imam kopala', boko guru agama. Io paca'an dibunuh apo tigo ari lopas nian paca'an bobali' hidup agi'.”

Lukas 9:44

“Pondinga'an boboi'. Sokali-kali jangan sampai kaitn tongkolupatn agatn pomandiran-Ku ni'in: Ana' Monsio paca'an ditangkap huatan disorahan ko boko urakng inyo molawatn Sio.”

Yohanes 3:14

Samo sama'an komai Musa moninggian ular tombago ditihakng kayu dipadakng pasir. Samo ubo nantai jam agatn Ana' Monsio paca'an ditinggian

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Yohanes 5:46

Obai, sobondarnyo kaitn co pocayo agatn io. Soandainyo kaitn bobondar pocayo ko Musa, lalu soharusnyo kaitn pan pocayo agatn Aku. Obai, io udah monulis mongona'i Aku.

Kisah Boko Rasul 13:33

Watu ni'in, Allah udah monopat'i janji-Nyo ko kito, koturutan Israel. Sama'an ni'in caronyo Allah monopat'i janji-Nyo, Allah bulah Yesus hidup agi'. Allah udah momandiran hal ni'in inyo totulis dalapm buku Mazmur pasal duo. Dinga' ni'in bunyinyo, ‘Kolai ni'in Ana'-Ku. Ari ni'in Aku moumuman obai Aku ni'innam Bopai Kolai.’

Kisah Boko Rasul 13:40

Apo, bobo'i cam oca' Allah co mohukupm kaitn. Allah udah moingant'an kaitn molalu'i inyo ditulis boko nabi. Dinga' ni'in bunyinyo,

Kisah Boko Rasul 2:27

Aku mooso logo obai Duatn co paca'an mombiaran Aku totap mati. Duatn co paca'an mombiaran utusan Duatn inyo Suci sampai momburu' di pasaran obai Aku hala taat huatan sotia agatn Duatn.

Kisah Boko Rasul 3:18

Apo agatn caro nantai, Allah monopat'i pomandiran-Nyo inyo udah disampaian ko boko nabi watu joman komai. Boko nabi nantai udah monulis obai Rajo Inyo Dijanjian Allah nantai gola' ajab sonsaro sampai mati.

Kisah Boko Rasul 7:37

Musa ni'in jam inyo udah bopandir ko banso Israel, ‘Tuhatn Allah kito paca'an moutus siku' urakng doi' banso kito. Io paca'an monjadi Nabi samo ubo aku inyo monyampaian pomandiran Allah ko kaitn.’

Ibrani 10:1

Porintah ongko poraturan di dalapm Hukupm Torat bayo sama'an kiasan mo doi' boko hal inyo boi' inyo datakng molalu'i Kristus. Hukupm Torat nantai kinyo monunju'an kosolamant'an inyo sobondarnyo. Obai nantai, boko urakng inyo datakng torus-monorus mombaba' posombahan inyo samo sotiap tohutn, sia' kinyo mungkitn monjadi sompurna di hadapan Allah agatn caro monuruti Hukupm Torat sama'an nantai.

Ibrani 3:5

Musa sotia sobagai polayatn dalapm rumah Allah, ia'an nantai banso Israel. Polayatan Musa monunju'an mongona'i kojadian inyo paca'an diboritoan nononyo.

Ibrani 7:1

Watu joman komai, Melkisedek nantai ia'an rajo di kota Salem. Io nam imam inyo molayati Allah inyo kotakng bokuaso. Watu nantai, Abrahapm botula' boparakng mongalahan boboropo rajo bukainyo. Watu Abrahapm bobali' doi' boparakng nantai Melkisedek mohimpa'i io lalu momborokatinyo.

Ibrani 9:8

Agatn poraturan nantai, Roh Allah monunju'an ni'in: Somanah kemah inyo potamo nantai ija' ada'an, jadi jalatn mansu' ko Tompat inyo Suci nantai bolupm tobuka'.

1 Petrus 1:11

Roh Kristus ado di dalapm sia'. Roh Kristus nantai momadahannyo ko sia' mongona'i pondorita'an inyo tajahan Kristus hadapi, apo lopas nian Sio tajahan dimuliaan. Jadi, boko nabi nantai monoliti ubo apo huatan sombilo kosolamant'an nantai paca'an tojadi.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”