Lukas 24:32 - Porjanjian Boharu Torjomahan Baso Dilakng Soari-ari

³² Sia' bopandir ko siku'-monyiku', “Niannam obainyo kito mooso kotakng bosomangant dipojalatan watu Sio monjolasan ko kito somuo inyo totulis mongonaꞌi Sio dalapm soluruh Buku Suci!”

Lukas 24:32 ပူးပေါင်းရင်းမြစ်များ

Markus 4:34

Yesus hala momakai poumpamoan aman Sio mongajar boko urakng nantai. Apo aman Sio siku' agatn boko murid-Nyo, Sio monjolasan somuonyo ko sia'.

Lukas 24:45

Lopas nantai Yesus pan mombuka' pikiran sia' pakai' mongoroti masud Buku Suci.

Yohanes 6:63

Inyo bulah monsio hidup ia'an Roh Allah. Kokuatan monsio co nyiant gunonyo pakai' nantai. Pomandiran inyo Ku padahan nantai boasal doi' Roh Allah. Pomandiran nantai ulih moonji'i hidup inyo sobondarnyo.

Kisah Boko Rasul 28:23

Ongko, sia' monontuan watu pakai' botomu agi' agatn Paulus. Pas ari nantai lobih banya' urakng datakng bokumpul di rumah tompat io monoluntukng. Doi' sunsukng tuntukng ko malapm Paulus monjolasan ko sia' mongona'i Koraja'an Allah. Io moingant'an sia' mongona'i boko hal inyo ditulis Musa huatan boko nabi watu joman komai. Agatn caro nantai, io bousaha moyakit'an sia' pakai' pocayo ko Yesus.

Ibrani 4:12

Obai, Pomandiran Allah ia'an pomandiran inyo hidup huatan bokuaso, lobih tajapm doi' podakng bomato duo. Samo sama'an podakng inyo ulih monuhu' monyongkayoan boko posigalan huatan sunsutn, sama'an nian jam pomandiran Allah ulih monuhu' kotakng dalapm huatan monyongkayoan jiwa ongko roh. Pomandiran Allah ulih momoriso pikiran ongko hajat hati kito.