Lukas 24:30 - Porjanjian Boharu Torjomahan Baso Dilakng Soari-ari

³⁰ Watu Sio dudu' makatn sosamo agatn sia', Sio monguti' roti. Lopas jadi moucap'an doa sukur, Sio momingkai'-mingkai' roti nantai agatn jari-Nyo ongko moonju'nyo ko sia'.

Lukas 24:30 ပူးပေါင်းရင်းမြစ်များ

Matius 14:19

Lalu Sio monyiuh boko urakng nantai dudu' di pucu' rumput. Lopas nian, Yesus monguti' lima' pingkai' roti agatn duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, dionju'nyo ko boko murid-Nyo oca' di pombagian ko boko urakng banya' nantai.

Lukas 24:35

Sia' duo mongisahan somuo inyo tojadi di pojalatan ko laman Emaus sampai watu sia' monjadi sadar Sio memang Yesus lopas jadi Sio momingkai'-mingkai' roti nantai.

Lukas 9:16

Lopas nian, Yesus monguti' lima' pingkai' roti huatan duo iku' ikatn nantai, monongadah ko langit, moucap'an torima' kasih ko Allah. Ongko Sio momingkai'-mingkai' roti ongko ikatn nantai, moonju'nyo ko boko murid-Nyo oca' dipombagian ko boko urakng banyaꞌ nantai.

Matius 15:36

Lopas nian, Yesus monguti' tujuh pingkai' roti ongko boboropo ikatn nantai lalu moucap'an torima' kasih ko Allah. Sio momingkai'-mingkai' roti ongko ikatn nantai, lalu dionju'nyo ko boko muridnyo oca' dipombagian ko boko urakng banya' nantai.

Kisah Boko Rasul 27:35

Lopas jadi io bopandir nantai, io monguti' roti ongko botorima' kasih ko Allah di hadapan somuo urakng. Io momingkai'-mingkai' roti nantai, ongko mula'i momua'inyo.

Yohanes 6:11

Yesus monguti' roti nantai, moucap'an torima' kasih ko Allah, lalu mombagi-bagiannyo ko somuo urakng inyo dudu' di siatn tai. Ubo nian jam, Sio mombagi-bagian ikatn nantai. Somuo sia' makatn sampai konyang.

Lukas 22:19

Lopas nantai Yesus monguti' roti. Lopas jadi bodoa sukur agi', Sio momingkai'-mingkai' roti nantai agatn jari-Nyo lalu moonju'nyo ko sia'. Kato-Nyo, “Ni'innam bukakng-tubuh-Ku inyo paca'an Ku sorahan pakai' kaitn. Pulahcam ni'in torus-monorus pakai' monggonang Aku.”

Markus 14:22

Watu Yesus ongko boko murid-Nyo tongahan makatn, Yesus monguti' roti lalu moucap'an doa sukur. Sio momingkai'-mingkai' roti nantai ongko moonju' ko boko murid-Nyo. Kato Sio, “Kuti', pua'icam, ninam bukakng-tubuh-Ku.”

Markus 8:6

Lalu, Yesus monyiuh urakng banya' nantai dudu' di tanah. Yesus monguti' tujuh pingkai' roti nantai ongko moucap torima' kasih ko Allah. Sio momingkai'-mingkai' roti nantai, ongko moonju'nyo ko boko murid-Nyo oca' dipombagi-bagian ko boko urakng banya' nantai. Ongko sia' molabuhannyo.

Markus 6:41

Yesus monguti' lima' pingkai' roti ongko duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, moonju'nyo ko boko murid-Nyo oca' dipombagian ko urakng banya' nantai. Agatn caro inyo samo, Sio mombagian koduo iku' ikatn nantai ko somuo sia'.

Matius 26:26

Pas sia' tongahan makatn, Yesus moncanggapm roti lalu moucap'an doa sukur. Sio momingkai'-mingkai' roti lalu moonju'nyo ko boko murid-Nyo. Kato-Nyo, “Kuti'cam, makatncam, ninam bukakng-Ku.”

Lukas 24:29

Apo sia' mombaba' Sio pakai' tinggal bosamo sia'. Kato sia', “Ari udah honda' malapam. Matoari hampikng tonggolapm. Bomalapm agatn koi di si'itn jam.” Jadi Sio mansu' ongko noluntukng samoan sia'.

Kisah Boko Rasul 2:42

Sia' hala tuyut somuo ajaran boko rasul. Somuo sia' opat bokumpul bosamo boko urakng bukai inyo pocayo. Sia' opat makatn huatan bodoa bosamo.

Kisah Boko Rasul 2:46

Sotiap ari sia' bokumpul di tongahlamanan Rumah Allah, pusat kogiatan koagamaan urakng Yahudi. Sia' bokumpul agatn sohati sopikiran. Sia' pan opat hala mohundakng pakai' makatn bosamo di boko rumah sia', huatan sia' morayaan Porjamuan Kudus jam. Sia' molabuhan somuo nantai agatn tulus hati huatan kotakan rindakng,