Lukas 24:25 - Porjanjian Boharu Torjomahan Baso Dilakng Soari-ari

²⁵ Lalu Yesus bopandir ko sia' duo, “Oh, kaitn kotakng manah hoyu' mongoroti. Hati kaitn kotakng manah hoyu' pocayo somuo inyo udah dipandiran boko nabi komai mongonaꞌi Rajo Inyo Dijanjian Allah!

Lukas 24:25 ပူးပေါင်းရင်းမြစ်များ

Matius 26:24

Udah totulis dalapm Buku Suci mongona'i Ana' Monsio inyo paca'an dijual ko boko urakng inyo molawatn Sio. Sosuai agatn tulisan nantai, hal nantai paca'an tojadi ko Sio. Apo Allah paca'an mohukupm urakng inyo molabuhan nantai. Lobih boi' pakai' urakng nantai aman io kinyo kalo dilahiran samo sokali!”

Markus 16:14

Koponsuahannyo, Yesus moniant'an diri kosobolas murid-Nyo timpu sia' tongahan makatn. Sio monogur sia' obai hati sia' koras, sia' kinyo pocayo ko boko urakng inyo udah moniant Sio bobali' hidup.

Markus 7:18

Timbas Yesus, “Apo bai kaitn bolupm mongoroti jam? Kaitn gola' tohu obai la'apo pan inyo mansu' ko dalapm nyao kinyo bulah urakng monjadi campah.

Markus 9:19

Ongko, Yesus bopandir ko sia', “Oi boko urakng inyo kinyo pocayo. Apo ija' manahnyo Aku gola' bosamo agatn kaitn agi'? Boropo manah agi' Aku gola' sabar agatn kaitn! Baba' bobia' nian ko si'itn.”

Lukas 24:24

Lopas nian, boboropo kawal koi botula' ko pasaran-Nyo. Ubonyo kisah boko botina' nantai bondar. Apo sia' pan co moniant Yesus.”

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

1 Korintus 15:3

Aku udah monorima' Kabar Boi' ongko aku monyampaian nantai ko kaitn. Inyo kotakan pontikng doi' Kabar nantai ia'an boko kojadian ni'in: Kristus udah mati obai boko dosa kito. Hal nantai sama'an inyo ditulis dalapm Buku Suci.