Lukas 23:54 - Porjanjian Boharu Torjomahan Baso Dilakng Soari-ari

⁵⁴ Sia' hagar momasar-Nyo sobolupm matoari tonggolapm obai ari nantai ari Jumat. Urakng Yahudi bososiap sobolupm Ari Sabat mula'i obai culih bokorojo watu ari nantai.

Lukas 23:54 ပူးပေါင်းရင်းမြစ်များ

Matius 27:62

Kohobu'annyo, ari Sabat, boko imam kopala' ongko boko pomimpitn agama Yahudi doi' kolompok Farisi, sia' botula' mohadap Pilatus.

Yohanes 19:31

Ari nantai ari Jumat, ia'an nantai ari pakai' posiapan sobolupm ari Sabat. Boko pomimpitn urakng Yahudi kinyo honda' boko bangkai nantai totap ado di kayu salib watu ari Sabat, hususnyo obai ari Sabat watu nantai am Ari Rayo Paskah. Jadi, sia' datakng ko gubernur Pilatus mominto oca' kaki boko urakng nantai dipatahan, oca'nyo copat mati. Lalu, boko bangkainyo hoyu' diturutan sobolupm ari Sabat mula'i watu malapm nantai.

Markus 15:42

Ari nantai ia'an ari Jumat, ari urakng Yahudi monyodia'an posiapan sobolupm mula'i ari Sabat. Ari udah hampikng malapam, ari Sabat pan hampikam.

Yohanes 19:42

Sia' gola' hagar momasar Yesus obai ari Sabat hampikam. Jadi, obai pasaran nantai dampikngmo, ongko sia' momasar Yesus di santaiam.

Yohanes 19:14

Watu nantai hampir japm duo bolas tongah ari watu ari Jumat, ia'an ari urakng Yahudi monyodia'an posiapan pakai' Ari Rayo Paskah. Pilatus bopandir ko boko urakng Yahudi nantai, “Tiatbo! Ninam rajo kaitn!”

Lukas 23:53

Kali udah dapat ijitn, io monurutan bangkai Yesus doi' kayu salib, lalu momutut-Nyo agatn koitn inyo bowarna putih ongko boi'. Io moulit'an-Nyo di dalapm pasaran inyo dipulah di dalapm bukit batu. Pasaran nantai bolupm kalo dipakai.