Lukas 23:5 - Porjanjian Boharu Torjomahan Baso Dilakng Soari-ari

⁵ Apo boko pomimpitn urakng Yahudi hala nyosahan. Kato sia', “Sio mohasut boko urakng pakai' momborontak. Niannam pongajaran-Nyo di soluruh tanah urakng Yahudi. Sio mula'i doi' doerah Galilea, sampai ko kota Yerusalem ni'in!”

Lukas 23:5 ပူးပေါင်းရင်းမြစ်များ

Yohanes 2:11

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Yohanes 1:43

Kohobu'annyo, Yesus momutusan pakai' botula' ko doerah Galilea. Sio botomu agatn Filipus. Kato-Nyo ko Filipus, “Hincapm monjadi murid-Ku!”

Markus 1:14

Lopas Yohanes ditangkap ongko dimansu'an ko ponjara, Yesus botula' ko propinsi Galilea, momadahan Kabar Boi' doi' Allah.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Kisah Boko Rasul 23:10

Ongko, posolisihan monjadi mongkitn monjadi. Komandatn pasukan gola' aman Paulus paca'an dibunuh sia'. Jadi io monyiuh boko projuritnyo oca' turutn doi' markas ongko monyolamant'an Paulus doi' tongah-tongah sia'. Sia' mombaba' io ko dalapm markas agi'.

Kisah Boko Rasul 10:37

Kaitn pan udah tohu mongona'i somuo kojadian inyo tojadi di soluruh doerah urakng Yahudi. Lopas kojadian Yohanes pombaptis nantai,

Kisah Boko Rasul 7:57

Watu sia' mondinga' pomandiran Stefanus nantai, sia' monutup kolindakan kapikng mondorah, ongko sosamo monyorakng Stefanus.

Kisah Boko Rasul 7:54

Watu boko pomimpitn Yahudi mondinga' somuo nantai, sia' bokorit gigi kotakan godi.

Kisah Boko Rasul 5:33

Timpu boko pomimpitn Yahudi mondinga' nantai, oso ditujah hati sia' sampai honda' mombunuh boko rasul nantai.

Yohanes 19:15

Sia' mondongkakng-mondorah, “Hukupm mati Io! Hukupm mati Io di kayu salib!” Kato Pilatus ko sia', “Kata'an kaitn honda' aku mohukupm mati rajo kaitn di kayu salib bai?” Timbas boko imam kopala', “Ongkah Rajo Roma am rajo koi!”

Yohanes 7:52

Timbas sia', “Kata'an kolai ni'in doi' Galilea jam? Poriso'icam Buku Suci. Kolai paca'an tohu obai conyiant nabi inyo datakng doi' doerah Galilea!”

Yohanes 7:41

Inyo bukai bopandir, “Pasti Sio ni'inan Kristus, Rajo Inyo Dijanjian Allah!” Apo inyo bukai agi' bopandir, “Bukai! Kristus nantai kinyo datakng doi' Galilea.

Lukas 23:23

Apo sia' hala mondorah monuntut agatn togas oca' Yesus gola' dibunuh di kayu salib. Koponsuahannyo sia' bohasil.

Lukas 11:53

Lopas Yesus udah momandiran somuonyo nantai, Sio botula' doi' rumah urakng Farisi nantai. Doi' nantai, boko urakng Farisi ongko boko guru agama Yahudi molawatn Sio agatn koras, sia' kotakan godi bondar. Sia' hala botakutn ko Yesus pakai' moncubo'i Sio. Sia' mongohonda'i Sio momandiran sosuatu inyo salah, oca' sia' ulih monggunoannyo pakai' alasan monuduh Sio.

Matius 27:24

Ahirnyo Pilatus mooso obai usahanyo pakai' mombebasan Yesus co bohasil. Malahan, urakng banya' nantai udah honda' bulah korusuhan. Jadi, io monguti' ara'i lalu mombasu'i jarinyo di pohadapan urakng banya' nantai. Katonyo, “Aku cuku botanggukng jawab mongona'i komatian Urakng ni'in! Nian urusan kaitn ba!”

Matius 2:1

Pas, Yesus lahir di Betlehem, di doerah Yudea, timpu Rajo Herodes momorintah doerah nantai. Lopas Yesus lahir, ado boko urakng majus datakng ko kota Yerusalem. Sia' datakng doi' nogori inyo jouh di doerah Timur.

Matius 11:1

Jadi, Yesus moonji'i boko potunju' nantai ko koduo bolas murid-Nyo. Lopas nantai, Sio botula' doi' su'utn mongajar huatan momboritoan Kabar Boi' di boko kota sia'.

Lukas 23:6

Mondingaꞌ nantai, Pilatus botakutn, “Apobai Yesus ni'in boasal doi' doerah Galilea?”