Lukas 23:42 - Porjanjian Boharu Torjomahan Baso Dilakng Soari-ari

⁴² Lalu io bopandir agatn Yesus, “Ingantcam aku, watu Duatn monguaso'i somuo la'apo pan sobagai Rajo!”

Lukas 23:42 ပူးပေါင်းရင်းမြစ်များ

Lukas 12:8

Dinga'anbo ni'in: Sotiap urakng inyo mongaku'i Aku dipohadapan boko urakng bukai obai io pocayo agatn Aku, Ana' Monsio pan paca'an moakui'nyo dipohadapan boko molekat Allah.

Lukas 18:13

Apo ponagih pajak nantai bodiritn jouh doi' somuo urakng bukai. Io monundu'an kopala'nyo obai mooso kinyo cucu' monongadah ko sorugo. Io momantu-mantu dadonyo obai monyosali boko dosanyo. Io bopandir, ‘Oi, Allah. Tulukng kasihibo aku. Aku ni'inan urakng inyo bodosa!’ ”

Lukas 23:41

Sobondarnyo hukupan kito duo memang sosuai agatn porbuatan kito. Apo Sio samo sokali kinyo bosalah!”

Lukas 23:43

“Pocayocam,” kato Yesus ko io, “Ari ni'in kolai tajahan sosamo agatn Aku di sorugo.”

Lukas 24:26

Allah udah monontuan Sio gola' ajab sonsaro samaꞌan nantai holu'ai sobolupm Sio dimuliaan.”

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Kisah Boko Rasul 16:31

Kato sia', “Pocayocam ko Tuhatn Yesus, ongko kolai paca'an disolamant'an. Ubo nian jam soharusnyo dilabuhan ulih somuo urakng inyo tinggal di dalapm rumah kolai.”

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

1 Petrus 1:11

Roh Kristus ado di dalapm sia'. Roh Kristus nantai momadahannyo ko sia' mongona'i pondorita'an inyo tajahan Kristus hadapi, apo lopas nian Sio tajahan dimuliaan. Jadi, boko nabi nantai monoliti ubo apo huatan sombilo kosolamant'an nantai paca'an tojadi.

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.