Lukas 23:40 - Porjanjian Boharu Torjomahan Baso Dilakng Soari-ari

⁴⁰ Apo ponjahat inyo siku' agi' monogur kawalnyo nantai, kato io, “Kolai soharusnyo gola' huatan tundu' agatn Allah, obai co manah agi' kolai tajahan mati. Kolai sosamo dihukupm mati samaꞌan Sio.

Lukas 23:40 ပူးပေါင်းရင်းမြစ်များ

Wahyu 15:4

Boko urakng somuonyo paca'an mohormati Duatn, Au Tuhatn! Boko urakng somuonyo paca'an momuji damo Duatn. Obai ongkah Duatam inyo suci. Somuo banso paca'an datakng monyombah Duatn, obai boko urakng udah moniant Duatn mohakipi agatn bondar”.

Efesus 5:11

Jangan kaitn jumpat molabuhan boko porbuatan urakng inyo ija' hidup dalapm kogolapan. Somuo nantai sia-sia ja'am. Apo kaitn gola' botindak oca' boko porbuatan sia' kotohuan.

Lukas 12:5

Aku momadahan ko kaitn sopo inyo sobondarnyo gola' kaitn kogola'i. Gola'cam agatn Allah! Obai Sio kinyo bayo bokuaso mombunuh urakng. Sio pan bokuaso pakai' mombuakan urakng ko dalapm noraka! Jadi, sobondarnyo Sionam inyo gola' kaitn kogola'i.

Wahyu 16:11

Sia' mohanyam Allah di sorugo obai kompodihan hontapm boko bongka'. Apo sia' totap kinyo honda' botongga' bulah kojahatan.

Matius 8:26

Kato Yesus ko sia', “Kaitn inyo kurakng pocayo, kaitn jangan gola'.” Lalu Yesus bodiritn ongko monyiuh bonakau huatan danau nantai botongga'. Ongko, lansukng danau nantai monjadi diapm.

Lukas 23:39

Apotolagi', salah siku' ponjahat inyo disaliban di santai mohayam Yesus jam. Io bopandir, “Aman Duatn bondar-bondar Rajo Inyo Dijanjian Allah, inyo disobut ‘Kristus’, solamant'ancam diri Duatn huatan koi jam!”

Lukas 23:41

Sobondarnyo hukupan kito duo memang sosuai agatn porbuatan kito. Apo Sio samo sokali kinyo bosalah!”

Matius 20:9

Jadi, bodatakanam sia' inyo hoyu' mula'i bokorojo sokitar japm lima' babahari. Sia' dionji'i siku'-monyiku' sopingka'i duit pira'.