Lukas 23:38 - Porjanjian Boharu Torjomahan Baso Dilakng Soari-ari

³⁸ Ado jam tulisan dipasakng dibuai pucu' kayu salib. Tulisan nantai bobunyi, “Ninam Rajo Urakng Yahudi.”

Lukas 23:38 ပူးပေါင်းရင်းမြစ်များ

Markus 15:26

Di bagian pucu' kayu salib, sia' momasakng tulisan inyo monjolasan alasan Sio dihukupm. Bunyi ni'in tulisan nantai, “Rajo Urakng Yahudi.”

Matius 27:37

Sia' momasakng tulisan di kayu salib nantai di pucu' kopala'-Nyo. Tulisan nantai bunyinyo, “Ninam Yesus, Rajo Urakng Yahudi.”

Lukas 23:3

Lalu Pilatus botakutn ko Yesus, “Bondaram Kolai rajo urakng Yahudi?” Timbas Yesus, “Ubo pandir kolai nam.”

Markus 15:32

Aman Sio bondar-bondar Rajo Urakng Israel, Rajo Inyo Dijanjian Allah, biaram Sio turutn doi' salib nian! Aman koi ulih moniant Sio mampu molabuhan nantai, koi paca'an pocayo ko Sio.” Koduo urakng ponyamun inyo disaliban di sopia' Yesus, sia' pan mohanyam Sio jam.

Yohanes 19:3

Opat bondar sia' datakng ko Sio, mouyu'-uyu' Sio. Kato sia', “Hidup, Rajo urakng Yahudi!” Lalu, sia' monompilikng mato-muho-Nyo.

Markus 15:18

Sia' pompadah mohormati Sio. Kato sia', “Pujicam Rajo Urakng Yahudi!”

Matius 27:11

Jadi Yesus dibaba' ko pohadapan gubernur Pilatus. Gubernur nantai botakutn ko Sio, “Bondaram Duatn ni'in rajo urakng Yahudi?” Timbas Yesus, “Ubo inyo kolai katoannam.”

Matius 2:2

Sia' botakutn ko boko urakng di su'utn. Kato sia', “Koi moniant sobuti' bintakng inyo timbul di doerah Timur. Koi mongotohu'i bintakng nantai ia'an tando obai ado bobia' hoyu' lahir inyo paca'an monjadi Rajo urakng Yahudi. Di mono kiro bobia' nantai? Obai, koi datakng honda' monyombah Sio.”