Lukas 23:35 - Porjanjian Boharu Torjomahan Baso Dilakng Soari-ari

³⁵ Urakng banyaꞌ bodiritn di santai moniant la'apo inyo tojadi. Boko pomimpitn urakng Yahudi boulu'an Yesus. Kato sia', “Aman Urakng ni'in bondar-bondar Rajo Inyo Dijanjian Allah, Urakng Inyo Dipilih Allah sampai Sio ulih monyolamant'an urakng bukai, biaram Sio ni'in monyolamant'an diri-Nyo siku' jam.”

Lukas 23:35 ပူးပေါင်းရင်းမြစ်များ

Matius 12:18

“Ninam Urakng inyo molayati Aku. Aku udah momilih Sio. Aku mongasihi Sio. Sio monyonangan hati-Ku. Aku paca'an moonji'i Roh-Ku ko Sio. Huatan Sio paca'an momboritoan ko somuo banso obai Aku paca'an molabuhan koadilan.

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

Lukas 16:14

Nah, ado jam boboropo urakng Farisi mondingaꞌan somuo inyo Yesus pandiran nantai. Sia' kotakng gala' agatn duit. Jadi, sia' rindakan Yesus.

Lukas 23:13

Pilatus mongumpulan boko imam kopala', boko pomimpitn, ongko boko rayat,

Lukas 23:39

Apotolagi', salah siku' ponjahat inyo disaliban di santai mohayam Yesus jam. Io bopandir, “Aman Duatn bondar-bondar Rajo Inyo Dijanjian Allah, inyo disobut ‘Kristus’, solamant'ancam diri Duatn huatan koi jam!”

1 Petrus 2:4

Jadi, datakng cam ko Tuhatn, Yesus Kristus. Sio samo sama'an batu inyo hidup. Sio nantai ditula' ulih boko urakng inyo moanggap Sio nantai kinyo pontikng. Apo Sio nantai dipilih Allah inyo moanggap Sio nantai kotakan borogo.