Lukas 23:34 - Porjanjian Boharu Torjomahan Baso Dilakng Soari-ari

³⁴ Lalu Yesus bodoa, “Bopai, amputi sia' inyo monyobab'an Aku sampai dihukupm mati di kayu salib! Sia' co tohu la'apo inyo sia' pulah.” Lalu, boko projurit monguti' pakai'an Yesus. Sia' boundi pakai' monontuan sopo inyo tajahan mondapat'an pakai'an-Nyo.

Lukas 23:34 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 11:26

Ihai, Bopai, caro nantai monyonangan hati Duatn!”

Matius 5:44

Apo Aku moonju' porintah ni'in ko kaitn: Kasihicam musuh kaitn. Bodoacam pakai' urakng inyo mondorako'i kaitn.

Markus 15:24

Lopasnyo, sia' momaku Sio di kayu salib. Boko projurit monguti' pakai'an Yesus lalu moundinyo pakai' mombagi-bagian pakai'an-Nyo.

Lukas 22:42

Kato-Nyo, “Bopai, aman ulih, bebasan Aku doi' ajab sonsaro inyo gola' Kualapi ni'in. Apo jangan monurut kohonda'-Ku, kohonda' Duatn ja'am Bopai.”

Yohanes 17:9

Jadi, Aku bodoa pakai' sia', bukainyo pakai' boko urakng bukai di dunia ni'in. Aku bodoa pakai' sia' inyo Duatn udah onju' ko aku. Aku bodoa pakai' sia' obai sia' nam umputn Duatn.

Yohanes 19:11

Timbas Yesus, “Kolai bokuaso tohadap Aku obai Allah inyo moonji'i kolai kuaso nantai. Obai nantai, urakng inyo monyorahan Aku ko kolai, io udah bulah dosa inyo lobih bosar daripado dosa inyo tajahan kolai pulah.”

Kisah Boko Rasul 16:28

Apo Paulus bopandir ko io agatn saro borakng, “Jangan kolai bunuh diri! Koi somuo ija' ada'an di si'itn.”

Kisah Boko Rasul 3:17

Boko somadikan! Kaitn huatan boko pomimpitn kaitn molabuhan kojahatan nantai ko Yesus. Apo aku sadar kaitn co tohu sopo Sio sobondarnyo.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

Roma 12:14

Aman ado boko urakng inyo mondorako'i kolai, mintocam ko Allah oca' Sio momborokati sia'. Au, mintocam oca' Allah momborokati sia'. Jangan minto oca' Allah mohukupm sia'!

1 Korintus 2:8

Boko pomimpitn di dunia ni'in kinyo mongorotikopintar-corodi'an Allah nantai. Sokironyo sia' mongoroti mongona'i nantai, pasti sia' kinyo mohukupm mati di kayu salib Tuhatn Yesus inyo mulia.

1 Korintus 4:12

Koi bokorojo koras agatn longan koi siku' monuntukan kopontikan hidup koi. Timpu koi dikutu' boko urakng, koi totap momborokati sia'. Timpu koi didorako'i koi totap tahatn sabar mohadapinyo.

1 Timotius 1:13

Padohal, komai aku ninam urakng inyo mohayam Sio. Aku mondorako'i somuo urakng inyo pocayo ko Sio. Boko porbuatanku nantai kotakan jahat. Apo Yesus monunju'an kasih-Nyo ko aku. Sio molabuhan nantai obai aku bolupm pocayo ko Sio. Aku bolupm mongotohu'i boko porbuatanku nantai kotakan jahat.

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.