Lukas 23:14 - Porjanjian Boharu Torjomahan Baso Dilakng Soari-ari

¹⁴ lalu bopandir ko sia', “Kaitn mombaba' Urakng ni'in ko aku ongko monuduh obai Io monyosat'an boko urakng. Dinga'anbo, aku udah boriso'i Io di hadapan kaitn, apo aku samo sokali co bodapat sobuti' pan kojahatan inyo kaitn tuduhan ko Io.

Lukas 23:14 ပူးပေါင်းရင်းမြစ်များ

Ibrani 7:26

Nantai am Imam Agukng inyo kito pontikan. Sio suci, kinyo kalo bulah dosa damo kosalahan. Sio disongkayoan doi' boko urakng bodosa huatan diangkat ko tompat inyo kotakng tinggi di sorugo.

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 27:24

Ahirnyo Pilatus mooso obai usahanyo pakai' mombebasan Yesus co bohasil. Malahan, urakng banya' nantai udah honda' bulah korusuhan. Jadi, io monguti' ara'i lalu mombasu'i jarinyo di pohadapan urakng banya' nantai. Katonyo, “Aku cuku botanggukng jawab mongona'i komatian Urakng ni'in! Nian urusan kaitn ba!”

Matius 27:19

Pilatus tongahan dudu' di krosi tompat io moadili pokaro. Watu nantai, bininyo mongiripm posatn ko io, “Sari ni'in, obai pokaro Urakng nantai mombulah aku bomimpi inyo bogola'i. Mimpi nantai bulahku mondorita'. Obai nianam, jangan kolai sonjumpat'an pokaro Urakng inyo kinyo bosalah nantai.”

Matius 27:4

Katonyo, “Aku udah bodosa monjual urakng inyo kinyo bosalah sampai Sio dihukupm mati.” Apo sia' monimbas, “Koi co poduli. Kolai botanggukng jawab doi' porbuatan kolai siku'.”

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.