Lukas 23:13 - Porjanjian Boharu Torjomahan Baso Dilakng Soari-ari

¹³ Pilatus mongumpulan boko imam kopala', boko pomimpitn, ongko boko rayat,

Lukas 23:13 ပူးပေါင်းရင်းမြစ်များ

Markus 15:14

Kato Pilatus, “Apo kojahatan la'apo inyo udah dilabuhan-Nyo?” Apo sia' mongkitn borakng, “Hukupm mati Io di kayu salib!”

Yohanes 19:4

Pilatus koluar agi' doi' istananyo lalu bopandir ko urakng banya' di santai. Katonyo, “Dinga'ancam! Aku mombaba' Urakng ni'in ko luar, ko kaitn. Oca' kaitn tohu obai aku co mondapat'an sobuti' kosalahan pan doi'-Nyo.”

Lukas 23:35

Urakng banyaꞌ bodiritn di santai moniant la'apo inyo tojadi. Boko pomimpitn urakng Yahudi boulu'an Yesus. Kato sia', “Aman Urakng ni'in bondar-bondar Rajo Inyo Dijanjian Allah, Urakng Inyo Dipilih Allah sampai Sio ulih monyolamant'an urakng bukai, biaram Sio ni'in monyolamant'an diri-Nyo siku' jam.”

Lukas 24:20

Apo boko imam kopala' huatan boko pomimpitn inyo bukai doi' banso kito udah monyorahan Sio ko gubernur pomorintah Romawi oca' dihukupm mati. Sia' momakuan Sio di kayu salib. Sio udah mati.

Yohanes 3:1

Ado siku' pomimpitn agama Yahudi doi' kolompok Farisi, damonyo Nikodemus.

Yohanes 7:26

Apo, porotian bo! Sio bopandir di pohadapan urakng banya' kotakan bebas. Sia' co mongatoan lapo pan molawatn Sio. Mungkitn bai sia' udah tohu obai Sio nam Kristus, Rajo Inyo Dijanjian Allah?

Yohanes 7:48

Conyiant ado siku' urakng pan di antaro boko pomimpitn damo urakng Farisi inyo pocayo ko Sio.

Yohanes 12:42

Biar pan ado banya' urakng inyo co pocayo ko Yesus, apo di antaro pomimpitn banso Yahudi, ado banya' jam inyo pocayo. Apo sia' co borani moaku'i nantai agatn torus torakng obai sia' gola' agatn boko urakng Farisi. Sia' co honda' dirarakng sombayakng agi' di dalapm tompat nantai.

Kisah Boko Rasul 3:17

Boko somadikan! Kaitn huatan boko pomimpitn kaitn molabuhan kojahatan nantai ko Yesus. Apo aku sadar kaitn co tohu sopo Sio sobondarnyo.

Kisah Boko Rasul 4:5

Kohobu'annyo, boko pomimpitn Yahudi inyo kotakan pontikng bokumpul di Yerusalem. Sia' moadoan potomuan pokaro. Ado boko pomimpitn agama, boko tokoh masrakat, bosamo boko guru Poraturan Agama Yahudi.

Kisah Boko Rasul 4:8

Lopas nian, Roh Allah monguaso'i Petrus. Kato io, “Boko Totuho pomimpitn banso huatan agama.

Kisah Boko Rasul 13:27

Joman komai, boko nabi udah monulis mongona'i Rajo Inyo Dijanjian Allah. Watu ni'in, sotiap Ari Sabat, boko buku nabi nantai dibacoan di boko rumah sombayakng. Apo boko urakng Yerusalem kinyo mongoroti pomandiran boko nabi nantai. Sia' kinyo mongotohu'i Yesus nantai Rajo Inyo Dijanjian Allah. Boko pomimpitn agama sia' pan kinyo tohu. Sia' molawatn Yesus. Sia' samo sokali conyiant alasan pakai' mohukupm Yesus. Apo sia' totap monyosahan Gubernur Pilatus oca' Yesus dihukupm mati. Somuo porbuatan sia' nantai bulah pomandiran boko nabi doi' joman komai monjadi bondar-bondar tojadi.