Lukas 23:10 - Porjanjian Boharu Torjomahan Baso Dilakng Soari-ari

¹⁰ Boko imam kopala' huatan boko guru agama Yahudi bodiritn di santai. Ongko tomaho godi, sia' monuduhan tuduhan inyo borat mongonaꞌi Yesus.

Lukas 23:10 ပူးပေါင်းရင်းမြစ်များ

Kisah Boko Rasul 24:5

Koi udah moniant obai urakng ni'in pongacau. Di soluruh dunia, io bulah korusuhan di antaro somuo urakng Yahudi. Io jam momimpitn kolompok urakng inyo jumpat ajaran Urakng Nazaret nantai.

Lukas 23:5

Apo boko pomimpitn urakng Yahudi hala nyosahan. Kato sia', “Sio mohasut boko urakng pakai' momborontak. Niannam pongajaran-Nyo di soluruh tanah urakng Yahudi. Sio mula'i doi' doerah Galilea, sampai ko kota Yerusalem ni'in!”

Lukas 23:2

Di santai sia' monuduh Sio. Kato sia', “Urakng ni'in udah monyosat'an banso koi. Sio morarakng boko urakng pakai' mombayar pajak ko kaisar di Roma. Sio jam bopandir obai Sio nantai rajo, ia'an Rajo Inyo Dijanjian Allah, ia'an siku' rajo inyo koi sobut ‘Kristus’.”

Lukas 11:53

Lopas Yesus udah momandiran somuonyo nantai, Sio botula' doi' rumah urakng Farisi nantai. Doi' nantai, boko urakng Farisi ongko boko guru agama Yahudi molawatn Sio agatn koras, sia' kotakan godi bondar. Sia' hala botakutn ko Yesus pakai' moncubo'i Sio. Sia' mongohonda'i Sio momandiran sosuatu inyo salah, oca' sia' ulih monggunoannyo pakai' alasan monuduh Sio.

Matius 27:12

Boko imam kopala' ongko boko pomimpitn banso Yahudi monuduh Sio. Apo, watu nantai, co Sio monimbasi sobigi' pandirpan.

Lukas 23:9

Ongko, Herodes banyaꞌ botakutn ko Yesus, apo Yesus co monimbasi samo sokali.

Lukas 23:11

Lalu Herodes ongko boko projuritnyo mohayam Yesus. Sia' boulu'an Yesus agatn mongona'an jubah rajo ko Sio. Lalu, Herodes monyiuh boko projurit mombaba' Yesus bobali' ko Pilatus.