Lukas 22:70 - Porjanjian Boharu Torjomahan Baso Dilakng Soari-ari

⁷⁰ Sia' somuo monimbas, “Aman ubo nian, Duatn ni'in ana' Allah?” Timbas Yesus, “Ubo pandir kaitn nam.”

Lukas 22:70 ပူးပေါင်းရင်းမြစ်များ

Lukas 23:3

Lalu Pilatus botakutn ko Yesus, “Bondaram Kolai rajo urakng Yahudi?” Timbas Yesus, “Ubo pandir kolai nam.”

Markus 15:2

Pilatus botakutn ko Yesus, “Apo bai Kolai rajo urakng Yahudi?” Timbas Yesus, “Sama'an inyo kolai katoan nam.”

Matius 27:11

Jadi Yesus dibaba' ko pohadapan gubernur Pilatus. Gubernur nantai botakutn ko Sio, “Bondaram Duatn ni'in rajo urakng Yahudi?” Timbas Yesus, “Ubo inyo kolai katoannam.”

Matius 26:64

Timbas Yesus, “Ubo kato kaitn nam. Apo porotian ja' ni'in! Mula'i doi' watu ni'in, kaitn paca'an moniant Ana' Monsio, dudu' di tompat inyo tohormat disopia' kanan Allah Inyo Kotakan Bokuaso. Kaitn paca'an moniant-Nyo datakng doi' sorugo di pucu' boko awatn.”

Yohanes 19:7

Kato boko urakng Yahudi nantai ko io, “Koi ado poraturan agama. Monurut poraturan nantai, Sio gola' dihukupm mati. Obai, Sio mongatoan diri-Nyo Ana' Allah!”

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 10:36

hibo kaitn mongatoan Aku mohayam Allah aman Aku mongatoan Aku ninam Ana' Allah? Obai, Allah Bopai-Ku momilih Aku huatan moutus Aku ko dunia.

Yohanes 10:30

Aku huatan Bopai-Ku siku'mo.”

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 1:34

Huatan watu ni'in, aku udah moniant nantai tojadi. Aku moonji'i kosasian, ‘Urakng ninam Ana' Allah!’ ”

Lukas 4:41

Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Markus 14:62

Timbas Yesus, “Aku nam io nantai. Kaitn paca'an moniant ana' Monsio dudu' di tompat inyo tohormat di sopia' kanan Allah Inyo kotakan bokuaso. Nononyo, kaitn pan paca'an moniant Io datakng di pucu' boko awatn di langit.”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 27:43

Sio pocayo ko Allah. Sio kalo bopandir obai Sio nam Ana' Allah. Jadi, aman Allah bondar-bondar sonang agatn Sio, biaram Allah monyolamant'an-Nyo watu ni'in!”

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

Matius 26:25

Lalu, Yudas, urakng inyo paca'an monjual Yesus, io bopandir, “Pasti bukainyo aku, oi Guru?” Timbas Yesus, “Ubo nanam kato kolai.”

Lukas 22:71

Jadi sia' bopandir, “Padohan bogoyap sasi agi' pakai' mongotohu'i kosalahan-Nyo! Kito udah mondingaꞌ doi' pandir-Nyo siku'.”