Lukas 22:52 - Porjanjian Boharu Torjomahan Baso Dilakng Soari-ari

⁵² Lopas nian Yesus bopandir ko boko imam kopala' huatan boko powira pongawal Rumah Allah, ongko boko pomimpitn Yahudi inyo datakng ko santai pakai' monangkap Sio. Kato Sio, “Aku ni'in bukainyo ponjahat, jadi kaitn padohan mombaba' podakng ongko boko pompangkukng pakai' monangkap Aku.

Lukas 22:52 ပူးပေါင်းရင်းမြစ်များ

Matius 26:47

Watu Yesus ija' bopandir, Yudas datakng. Io ia'an salah siku' doi' koduo bolas rasul. Bosamo agatn io, sorombokan urakng datakam mombaba' podakng ongko pompangkukng. Sia' disiuh boko imam kopala' ongko boko pomimpitn banso Yahudi.

Matius 26:55

Watu nantai, Yesus bopandir ko urakng banya' nantai, “Kata'an Aku ni'in ponjahat bai, kaitn sampai datakng agatn mombaba' podakng ongko pompangkukng pakai' monangkap Aku? Padohal, sotiap ari Aku dudu' mongajar di tongah lamanan Rumah Allah. Apo watu nantai kaitn co monangkap Aku.

Lukas 22:37

Obai la'apo inyo udah ditulis dalapm Buku Suci mongonaꞌi Aku gola' tojadi: ‘Io paca'an dianggap samo agatn ponjahat.’ Hal nantai tongahannyo labuham ni'in!”

Lukas 22:4

Obai nantai, Yudas botula' ongko bohoupm agatn boko imam kopala' huatan boko kopala' ponjago Rumah Allah mongonaꞌi samaꞌan apo io ulih monyorahan Yesus ko sia'.

Lukas 22:51

Apo Yesus bopandir, “tongga'an!” Lalu Sio moncama' kolindakan urakng nantai, ongko nyamanam.

Lukas 22:53

Sotiap ari Aku hala ada'an agatn kaitn di tongahlamanan Rumah Allah, apo timpu nantai kaitn co monangkap Aku. Apo ninam watunyo kaitn labuh, watu Rajo Sitatn bulah pokoroja'annyo inyo jahat.”

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Kisah Boko Rasul 5:26

Jadi, kopala' pongawal Rumah Allah bosamo agatn boko potugasnyo botula' ko su'utn. Sia' honda' mombaba' agi' boko rasul nantai. Apo sia' gola' agatn urakng banya' inyo tongahan mondinga' ajaran boko rasul nantai. Gola'nyo urakng banya' nantai godi ongko monikapm sia' agatn batu. Obai nantai, pongawal Rumah Allah bosamo boko potugasnyo mombaba' boko rasul nantai kinyo agatn kokorasan.